Ҵаҟа иарбоу азыҳәарақәа хымҧадатәиуп Аҧсны аҭаларазы азин заурц зҭаху зегьы рзы: - аҳәахьаҟаҵаҩ итәылауаҩшәҟәы ахҩылаа (аелектронтә почтала, мамзаргьы факсла ишьҭтәуп). Аҳәара ҟаҳҵоит шәтәылауаҩшәҟәы Аҧсны шәанааилак ашьҭахь даҽа фымыз аҿҳәара шнымҵәо агәра жәгарц.

- Аҧсны аҭаларазы анкета аелектронтә вариант харҭәааны. Анкета ахәҭаҷқәа зегьы акы аанмыжькәа ихарҭәаазароуп. Изыхәҭоу аинформациа агзар, анкета иахәамҧшыр ҟалоит.

Анкета шәышьҭраны иахьыҟоу аелектронтә почта адрес:

visa@mfaapsny.org

Азыҳәамҭа аиура ашьҭахь Аконсултә маҵзура 7-мыш рыҩнуҵҟа уи аус аднаулоит. Изныкымкәа Аҧсныҟа иааиуа рзы ари аҿҳәара иагырхазар ҟалоит.

Азҵаарақәа ҟашәҵар шәылшоит абри аҭел ахь шәасны: +7-840-226-39-48, афакс.

Аҭаларазы азин анымазеихалак уи аҳәахьаҟаҵаҩ иахь инашьҭхоит електронтә почтала, ма анкета аҟны иарбоу афакс аномер ала.

Хымҧада! Аҧсны шәанааилак ашьҭахь 3 мыш ирылагӡаны Аҧсны Адәныҟатәи аусқәа рминистрра Аконсултә маҵзура шәаҭаароуп, авиза ахаҭа шәоурц азы.

Аҧсны Адәныҟатәи аусқәа рминистрра Аконсултә маҵзура иҟанаҵоит абарҭ авиза ахкқәа:

-зныкратәи авизақәа;

-акырынтәтәи авизақәа,

Аинформациа! Урыстәылатәи Афедерациа атерриториа ала Аҧсны иалало хымҧада ирымазароуп ҩынтәтәи мамзаргьы акырынтәтәи аурыс виза, анаҩс Аҧсны иалҵырц азы. Зныкратәи аурыс виза акәзар ишәымоу, шәадҵаалар шәылшоит Аҧсны иҟоу Урыстәылатәи Ацҳаражәҳәарҭа (ақ. Аҟәа, Ажәанба имҩа, 9) ахынҳәразы азин шәызҭо атранзиттә виза шәоуразы. Урыстәылатәи атранзиттә виза архиара 5-усуратә мшы иадхалоит.

Аҳәаанырцәтәи аҳәынҭқаррақәа ртәылауаа ҩынтәтәи, ма акырынтәтәи авиза рымазарц рабжьаҳгоит.

ИХАДАРОУП! Аԥсныи Қырҭтәылеи рҳәааҿы иҟоу Аԥсны агәаҭара-аужьҭратә пунктқәа аус руеит ашьыжь асааҭ 8 инаркны ахәылбыҽха асааҭ 7-нӡа.

Абри асиаҿы иарбоу аҳәаанырцәтәи аҳәынҭқаррақәа ртәылауаа хымҧада ирымазароуп ҩынтәтәи ма акырынтәтәи аурыс виза (избан акәзар арҭ аҳәынҭқаррақәа ртәылауаа Аҧсны иҟоу Урыстәылатәи Ацҳаражәҳәарҭа аҟны атранзиттә виза рыҭахаӡом).

1. Алжир.

2. Ангола.

3. Афганистан.

4. Бангладеш.

5. Вьетнам.

6. Индиа.

7. Ирак.

8. Иран.

9. КНР.

10. КНДР (Аҩада Кореиа).

11. Непал.

12. Нигериа.

13. Пакистан.

14. Руанда.

15. Сириа.

16. Сомали.

17. Чад.

18. Шри Ланка.

19. Ефиопиа.

Аҧсны алаларазы авиза зҭахым атәылауаа рҳәынҭқаррақәа рсиа

Азербаиџьан

Ермантәыла

Беларуссиа

Вануату

Венесуела

Казахстан

Кыргызстан

Молдова

Науру

Никарагуа

Приднестровиа-Молдавиатәи Ареспублика

Урыстәылатәи Афедерация

Таџьикистан

Туркменистан

Украина

Узбекистан

Аахыҵ Уаԥстәыла

Аҧсны Аҳәынҭқарра авиза зоураны иҟоу атәылауаа рҳәынҭқаррақәа рсиа (Аҧсны 90 мшы иреиҳаны иаанхозар)

1. Вануату

2. Венесуела

3. Науру

4. Никарагуа

5. Урыстәылатәи Афедерациа