aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсадгьыл ахь архынҳәразы аҳәынҭқарратә еилакаҿы имҩаԥысит Сириантә ҳтәылауаа рырхынҳәра азҵаарақәа ирызкыз инарҭбаау аизара 05.04.2013

Аԥсадгьыл ахь архынҳәразы аҳәынҭқарратә еилакаҿы имҩаԥысит Сириантә ҳтәылауаа рырхынҳәра азҵаарақәа ирызкыз инарҭбаау аизара

Аԥсны аԥыза-министр Леонид Лакербаиа иаԥшьгамҭала Аԥсадгьыл ахь архынҳәразы аҳәынҭқарратә еилакаҿы имҩаԥысит Сириантә ҳтәылауаа рырхынҳәра азҵаарақәа ирызкыз инарҭбаау аизара. Аизара рхы аладырхәит Аилаки Афонди рхантәаҩцәа, Аԥсны Адәныҟатәи аусқәа рминистрра анапхгара, Жәлар Реизара ахантәаҩы ихаҭыԥуаҩ А. Ҳаразиа, адепутатцәа И. Зыхәба, А. Гәыргәылиа, Д. Гәынба, Ауаажәларратә хеилак ахантәаҩы Н. Акаба, ауаажәларратә усзуҩ Циза Гәымԥҳа, Ауаажәларратә агәыҳалалртә хеилак «Аԥсадгьыл ахь» ахантәаҩы Роланд Ажьиба, ауаажәларра ахаҭарнакцәа, Сирантә арепатриантцәа, ажурналистцәа.

Аҳәынҭқарратә еилакы ахаҭарнакцәа еизаз ирыдыргалеит иҳаҩсыз ашықәс аҩнуҵҟа русура алҵшәақәеи, аҭоурыхтә ԥсадгьыл ахь архынҳәра апроцесс зеиԥшла ацашьеи. «Ааигәа ҳаилак 20-шықәса ахыҵра азгәаҳҭеит», – иҳәеит Зураб Адлеиба. «Арҭ ашықәсқәа ирылагӡаны аусура рацәаны имҩаԥган, аха уажәы ишьақәгылаз аҭагылазаашьаҿы аҳәынҭқаррагьы ауаажәларрагьы зегь ҳамчқәа еибаҳҭароуп».

Арепатриациазы афонд аиҳабы Џьон Смыр излацәжәоз азҵаара афинансқәа рганахьала дазааҭгылеит. Иара иажәақәа рыла «2012 шықәса 8-мзы ирылагӡаны Сириантә ҳџьынџьуаа рыдкылареи радаптациеи иақәырӡхеит 32 млн 469 нызқь мааҭ. Ҳазҭалаз 2013-тәи ашықәс иалагӡаны ари ахырхарҭала иныхуп 13 млн. 994,9 нызқь мааҭ. Сириантә ҳаицтәылауаа рыдкылареи радаптациеи мшаԥымза иалагӡаны иаҳцәагеит 46 млн. 464,1 нызқь мааҭ. «Ҳара ҳусура аартуп, аԥара азҵаарақәа зегь ӡбахоит Афонд аколлегиаҟны, уи иалахәуп егьырҭ аиҳабыратә структурақәа рхаҭарнакцәагьы. Аколлегиа аизарақәа ирылахәзар бзиоуп ҳәа ҳгәы иаанагоит Ауаажәларратә хеилаки Жәлар Реизареи рхаҭарнакцәа», – ҳәа иажәа хиркәшеит Џьон Смыр.

Аҭоурыхтә ԥсадгьыл ахь архынҳәра апроцесс аҿы Адәныҟатәи аусқәа рминистрра иҟанаҵо ацхыраара далацәжәеит Виачеслав Чрыгба. Иара иазгәеиҭеит «аусура рацәаны ишымҩаԥысхьоу, ихадароу ак акәны ишыҟоу – иааз ҳаицтәылауаа рҭыԥ ахьылырххьоу, ацхыраара ахьроуа». «Аиҳабыра имҩаԥырго аусура шьардоуп. Атәыла ахада, аиҳабыра, аԥыза-министр, иара убасгьы ауаажәларратә еиҿкаарақәа даара ари азҵаара иазҿлымҳауп. Уажәы еиҭа даҽа 200-ҩык ҳарзыԥшуп, урҭӷьы ишахәҭоу еиԥш рыдкылара ҳҽазҳархиароуп».

В. Чрыгба инаҵшьны иазгәеиҭеит 200-ҩык уажә иаараны иҟоу – еилаԥсоу аԥсуа-адыга ҭаацәарақәоуп, урҭ зегьы еиҟараны ацхыраара рыҭахоит», – иҳәеит аминистр. Иаараны иҟоу ҳаицтәылауаа рыдкылара далацәжәо, аминистр иазгәеиҭеит: «Уаанӡа агәыԥ маҷқәа рыла иаауазҭгьы ҳџьынџьуаа, уажә алшара ҳамоуп Беирут ма Амман ақалақьқәа рҟынтә чартерла ауааԥсыра раагара. Аҳәынҭқарра ахада ари дадгылеит. Хара имгакәа урҭ зегьы ҳаԥсадгьыл аҿы иаҳбоит».

Аԥснытәи аҳәынҭқарратә университет аҿы ҳаицтәылауаа аԥсуа бызшәеи аурыс бызшәеи дырҵара азҵаара далацәажәеит Арда Ашәба: «Ауниверситет иалшо зегь ҟанаҵоит Сириантәи аԥсуаа арҵаратә процесс ралархәразы. Абызшәа аибамкра проблема дууп, ҳәарада, убри аҟнытә абызшәатә курсқәа аусура иаҿуп. Акомпиутерқәа ааҳхәеит, аудиториақәа рҿы аиҭашьақәыргылара мҩаԥысуеит. Аха уажәы ҿыц иаауа рыдкылараҿы аҳәынҭқарра ацхыраара ҳҭахуп».

Аизара алахәцәа иазгәарҭеит ара иҟоу ҳәылауааи арепатриантцәеи рыбжьара аидеологиатә усура активла ишымҩаԥгатәу. Арепатриациазы аҳәынҭқарратә программа азҵаара ықәыргылан, уи апрограмма адкылара апроцесс асистематизациа иацхраарын, еиҳа еффективла аус ауртә иҟанаҵон.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21