aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Ҭырқәтәыла жәларбжьаратәи ахәыҷтәы фестиваль ахь ааԥхьара змоу атәылақәа рсиа Аԥсны ахьанырхыз иазкны Адәныҟатәи аусқәа рминистрра иҟанаҵаз Аҳәамҭа 08.04.2013

Ҭырқәтәыла жәларбжьаратәи ахәыҷтәы фестиваль ахь ааԥхьара змоу атәылақәа рсиа Аԥсны ахьанырхыз иазкны Адәныҟатәи аусқәа рминистрра иҟанаҵаз Аҳәамҭа

Аԥсны Адәныҟатәи аусқәа рминистрра агәалсра ду аанарԥшуеит сынтәа Ҭырқәтәыла имҩаԥысраны иҟоу жәларбжьаратәи ахәыҷтәы фестиваль ахь ааԥхьара змоу атәылақәа рсиа аҟынтәи Аԥсны ахьанырхыз азы. Ахәыҷқәа ирызку ари афестиваль мҩаԥысуеит мшаԥымза 23, Ҭырқәтәыла, Анкара ақалақь аҿы 1920 шықәсазы имҩаԥгаз раԥхьаӡатәи амилаҭтә еизара ду агәаларшәаразы.

Аԥсны даараӡа ахә ҳаракны иршьоит Ҭырқәтәылатәи Ареспубликеи ҳтәылеи рыбжьара иҟоу аҭоурыхтә, акультуратә еимадарақәа, убри аҟнытә аҩ-тәылак рыжәларқәа реибабара, реизааигәахара гәхәарас иҳадаҳкылоит. Ҭырқәтәыла иҟоу ҳдиаспора ду даара иазыԥшын Аԥснынтәи ахәыҷқәа афестиваль ахь рнеира, аҭынчреи аԥшӡареи ирызку аныҳәа ралахәхара. Аха ари акультуратә усмҩаԥгатә аполитикатә ҵаҵӷәы азыԥшаара иашьҭаз Қырҭтәыла аԥаршеирақәа ирыхҟьаны, уаанӡа афестиваль иалахәхоит ҳәа иадырбахьаз аԥсуа кәашартә коллектив иаалырҟьаны асиа ианыхын. Гәалсрала иазгәаҳҭоит, Қырҭтәыла амчра зауз аиҳабыра ҿыцгьы ,Аԥсны адунеи егьырҭ атәылақәа рахь изаҟаразаалак акультура аганахьалагьы еиҭаҳәашьак ҳмоурц азы хәынгашьарада ирылшо зегь рхы иадырхәоит.

Абри ҳасаб азуны, Аԥсны Адәныҟатәи аусқәа рминистрра аҳәамҭа ҟанаҵоит, иарбанзаалак мчыла еибыҭоу аԥықәсыларақәа ҩ-жәларык ркультуратә емадара апроцесс изаԥырхагахом. Агәыӷра ҳамоуп иҟалаз угәы узырхьша ари афакт Аԥсныи Ҭырқәтәылатәи Ареспубликеи рыбжьара ҭоурыхла ишьақәгылаз аиҩызаратә еизыҟазаашьақәа ԥырхага рнаҭом ҳәа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21