aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрра Аколлегиа аилатәара 15.04.2013

Аԥсны Адәныҟатәи аусқәа рминистрра Аколлегиа аилатәара

Мшаԥымза 12 рзы Аԥсны Адәныҟатәи аусқәа рминистрраҿы имҩаԥысит аминистрра Аколлегиа аилатәара. Аилатәара рхы аладырхәит Аколлегиа алахәцәа: адәныҟатәи аусқәа рминистр В. Чрыгбеи уи ихаҭыԥуааи, Урыстәылатәи Афедерациаҿы иҟоу Аҭакзыԥхықәу, Азинмчра нагӡа змоу Аԥсны Аҳәынҭқарра Ацҳаражәҳәаҩ И. М. Ахба, Адәныҟатәи аусқәа рминистрра аҟәшақәеи амаҵзурақәеи реиҳабацәа. Аколлегиа аилатәара далахәын Аԥсны Ахада иусбарҭа аиҳабы Актәи ихаҭыԥуаҩ Д. М. Шамба.

Аилатәара амшхәаԥштә иарбан абарҭ азҵаарақәа:

1. Аԥсны Адәныҟатәи аусқәа рминистрра аԥҵоижьҭеи 20 шықәса аҵра азгәаҭара;

2. Аахыҵ Кавказ Аҭынчреи аҭышәынтәалареи рзы 23-тәи Женеватәи аиҿцәажәарақәа рылҵшәақәа;

3. Аԥсны Адәныҟатәи аусқәа рминистрра Аинформациа аҟәша аусура ахҳәаа;

4. Латинатәи Америкеи, Азиеи, Африкеи, Азиа-аокеанҭынчтәи арегиони рыҟәша аусура ахҳәаа;

Аилатәара ааиртит Адәныҟатәи аусқәа рминистр В. А. Чрыгба, уи далацәажәеит Аԥсны Адәныҟатәи аусқәа рминистрра 20 шықәса ахыҵра азгәаҭаразы гәҭакқәас иҟоу. «Аҳәаанырцәынтәи асасцәа рацәаҩны иаҳзаауеит, убри аҟнытә аныҳәатә усмҩаԥгатәқәа ишрыхәҭоу еиԥш рыҩаӡара ҳаракны имҩаԥаҳгароуп». Аҳәынҭқарратә протокол аиҳабы И. Турааԥҳа хықәкыла дырзааҭгылеит аныҳәатә усмҩаԥгатәқәа ирыдҳәалоу азҵаарақәа.

Аҩбатәи азҵаара аганахьала дықәгылеит Адәныҟатәи аусқәа рминистр ихаҭыԥуаҩ И. Р. Хынҭәба. Иара инарҭбааны Женеватәи аиҿцәажәарақәа рылҵшәақәа дрылацәажәеит, ахәшьарагь риҭеит, иааираны иҟоу аиҿцәажәарақәа рҟны аперспектива змоу ахырхарҭақәа аликааит. 23-тәи Женеватәи аиҿцәажәарақәа рҿы Аԥснытәи аделегациа имҩаԥнагаз аусура бзиоуп ҳәа ахәшьара арҭеит. Аколлегиа аилатәара ахԥатәи ахәҭаҿы Аинформациа аҟәша Ҭ. Р. Ҭарба иеиҭеиҳәеит Аԥсны

Адәныҟатәи аусқәа рминистрра ишьҭнахыз аинформациатә стратегиа ҿыц атәы. «Аминистрра аусура шцо аарԥшра адагьы, ҳҿаԥхьа иқәҳаргыло ахықәкқәа инарықәыршәаны ҳхаҭақәа аинформациатә ҵаҵӷәы ҳәа изышьҭоу аԥҵара ҳашьҭоуп», – иҳәеит Ҭ. Ҭарба аинформациа аларҵәара шымҩаԥысуа далацәажәо. Иара дазааҭгылеит Аинформациа аҟәшаҿы имҩаԥысыз аиҭакрақәа, хаҭалагьы асоциалтә саитқәа рҿы аусуреи, авидео сиужетқәа рҭыхреи ртәы.

Латинатәи Америкеи, Азиеи, Африкеи, Азиа-аокеанҭынчтәи арегиони рыҟәша аусуреи аихьӡарақәеи дырзааҭгылеит аҟәша аиҳабы М. И. Зыхәба. Лара иазгәалҭеит ахҳәаа зырҭо аамҭа иалагӡаны Аԥсныи Латинатәи Америка атәылақәеи реимадара зырҿиаша аусура шымҩаԥысуаз.

Аԥсны Ахада иусбарҭа аиҳабы Актәи ихаҭыԥуаҩ Д. М. Шамба Аԥсны Адәныҟатәи аусқәа рминистрра аусура дахцәажәо иазгәеиҭеит уи аусураҿы иҟоу ацәырҵра бзиақәа. Хаҭалагьы дазааҭгылеит адокументқәа аус рыдулара акырӡа ишеиӷьхаз: «Адәныҟатәи аусқәа рминистрреи Аҳәынҭқарра Ахада иусбарҭеи еилшәара зцым русеицура иабзоураны азинтә документқәа аус рыдулара ахаҭабзиара иацлеит».

Аколлегиа алахәцәа Аԥсны Адәныҟатәи аусқәа рминистрра аусура иадҳәалоу егьырҭ азҵаарақәагьы ирылацәажәеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21