aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Сириантәи ҳашьцәа гәыԥҩык Аԥсныҟа аара рҽазыҟарҵоит 18.04.2013

Сириантәи ҳашьцәа гәыԥҩык Аԥсныҟа аара рҽазыҟарҵоит

Аԥсны Аҳәынҭқарра Ахада идҵала Адәныҟатәи аусқәа рминистрра Сириа Арабтәи Ареспубликантә ҳашьцәа рҭоурыхтә ԥсадгьыл ахь раара апроцесс ҳәаақәнаҵоит.

150-ҩык ауааԥсыра шьҭызхша Аԥсны аиҳабыра қьырала иргаз аҳаирплан адәықәҵара арласреи, егьырҭ аҽазыҟаҵаратә усқәа рыцхыраареи рзы Адәныҟатәи аусқәа рминистрра аусзуҩцәа ҷыдала уи аҭыԥахь ишьҭын. Аҵыхәтәантәи амшқәа рзы Аԥсны Адәныҟатәи аусқәа рминистрраҿы ҳаирпланла аԥырразы иаҭаху ашәҟәқәа реиқәыршәареи, авиа-мҩангара иадҳәаланы ицәырҵуаз азҵаарақәеи рыӡбара мҩаԥысуан. Насгьы Урыстәылатәи Афедерациа аҳауатә ҵакыра аарҭреи, аԥырразы азин алхреи рзы аусқәа мҩаԥган.

Аԥсны Адәныҟатәи аусқәа рминистрреи Урыстәыла Адәныҟатәи аусқәа рминистрреи иааиԥмырҟьаӡакәа аимадара рыбжьоуп, уи иабзоураны ицәырҵуа азҵаарақәа, хаҭалагьы Дамаск иҟоу ҳаицтәылауаа гәыԥҩык урыстәылатәи атранзиттә визақәа рыҭара иадҳәалоу, рыӡбара акыр имариахеит. Аиҿкаара-еимадаратә цхыраара ду ҟанаҵеит иара убас Урыстәыла иҟоу Аԥсны Аҳәынҭқарра Ацҳаражәҳәарҭагьы.

Ахәаша, мшаԥымза 19 рзы Дамаск иҟоу ҳаицтәылауаа автобусқәа рыла ареис ҷыда зманы аҳаирплан ахьыҵԥраауа аҭыԥ ахь инаргоит. Апасаџьырцәа аҳазалхратәи аҳәааҿтәи агәаҭарақәа ианырхыслак ашьҭахь, аҳаирплан Шәачатәи аҳаирбаӷәазахь иԥыруеит, уаантә ҳашьцәа автобусқәа рыла Аҟәаҟа амҩа иқәлоит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21