aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны иҟоу Аахыҵ Уаԥстәыла Ацҳаражәҳәаҩыс дҟаҵоуп Олег Боциев 16.04.2013

Аԥсны иҟоу Аахыҵ Уаԥстәыла Ацҳаражәҳәаҩыс дҟаҵоуп Олег Боциев

Аахыҵ Уаԥстәыла ахада Леонид Тибилов мшаԥымза 15 рзы Аԥсны иҟоу Аахыҵ Уаԥстәыла Ацҳаражәҳәаҩыс Олег Боциев иҟаҵаразы адҵа инапы аҵаиҩит ҳәа аанацҳауеит аинформациатә агентра «Рес», атәыла ахада ипресс-маҵзура аҟынтәи. Иара уи аҿныҵәҟьа атәыла ахада аҵҳаражәҳәаҩ аԥҟаԥҵәа инапаҿы ииркит, имаҵзура ҿыцгьы идиныҳәаллеит.

«Ҳаешьаратә тәылақәа реизҳаразы шәусураҿы ақәҿиара дуқәа шәзеиӷьысшьоит. Ацҳаражәҳәаҩ иаҳасабала шәҿаԥхьа иқәгылоу азҵаарақәа ӡбахоит ҳәа сгәы иаанагоит, Аахыҵ Уаԥстәылеи Аԥсны ирыбжьарҵаз аиқәшаҳаҭрақәа инарықәыршәаны», – иҳәеит атәыла ахада.

Леонид Тибилов Олег Боциев диҳәеит Аԥсны дшааилак еиԥш аиҳабыра салам риҭарц, иагьреиҳәарц Аԥсны жәлар рахь аҳаҭырқәҵара шимоу.

Олег Боциев иаҭак ажәаҿы иазгәеиҭеит иара изыҳәан ари амаҵура анагӡара шҳаҭыр дуу, атәыла ахада иааирԥшыз агәрагара азыҳәан иҭабуп ҳәа иеиҳәеит.

«Сара сганахьала иаашәырԥшыз агәрагара сусурала исырҵабыргыроуп. Аԥсышәала «ауаԥс» иаанаго – аиуара сыцеиҩызшо аԥсоуп. Иагьиашаҵәҟьаны, Аахыҵ Уаԥстәылеи Аԥсныи – аешьаратә жәларқәоуп», – иҳәеит Боциев.

Ацҳаражәҳәаҩ ҿыц иазгәеиҭеит иусура аҩ-ҳәынҭқаррак реизыҟазаашьақәа рырӷәӷәара ишазикуа. Аиԥылара далахәын Аахыҵ Уаԥстәыла Адәныҟатәи аусқәа рминистр Давид Санакоев. Ишәгәалаҳаршәоит, Аахыҵ Уаԥстәыла ахада иусԥҟала ԥхынгәы 27, 2012 шықәсазы Аԥсны иҟоу Аахыҵ Уаԥстәыла Ацҳаражәҳәаҩ имаҵзураҟнытә ихы дшақәиҭтәыз Роберт Кокоев. Иаазыркьаҿу абиографиа:

Боциев Олег Ильиа-иԥа диит хәажәкыра 26, 1954 шықәсазы Аԥснытәи АССР Ҭҟәарчал ақалақь аҟны. Далгеит Харьковтәи аҳәынҭқарратә университет (амеханикатә факультет). 1976-1979шш. рзы имаӡоу ааглыхраҿы ацех аиҳабы ихаҭыԥуаҩыс аус иуан. 1979-1984шш. рзы азауад «Точприбор» аҟны ацех аиҳабыс дыҟан.

1984-1989 шш. рзы – автобаза «Турист» аҟны анџьныр хадас, 1989-1992 шш. рзы иара уи автобаза адиректорс аус иуан.

1992 ш. – Аԥсны атранспорти аимадареи рминистр ихаҭыԥуаҩыс аус иуан.

1994-1995шш. рзы – Аԥсны атәылахьчара аминистрра аҟәша аиҳабыс дыҟан.

1995-1998шш. рзы – Аԥсны Аминистрцәа Реилазаара ареферент еиҳабыс, анаҩс 1999 ш. – Аџьеи асоциалтә хьчареи рминистрс дыҟан.

2002-2005шш. рзы Аԥсны Аминистрцәа Реилазаара аппарат аиҳабыс дыҟан. 2007 ш. инаркны Аԥсны Аҳәынҭқарраҿ иҟоу Аахыҵ Уаԥстәыла Ацҳаражәҳәарҭа Абжьгаҩ-анашьҭҩыс дыҟоуп. Аҭакзыԥхықәу Азинмчы наӡа змоу Анашьҭҩы ҳәа адипломатиатә ранг имоуп. Дҭаацәароуп, аԥа димоуп.

Аԥсны Аҳәынҭқарреи Урыстәылатәи Афедерациеи рҳәынҭқарратә ҳамҭақәа ианашьоуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21