aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Иахьа рҭоурыхтә ԥсадгьыл ахь ихынҳәит 145-ҩык Сириантәи ҳаицтәылауаа. 20.04.2013

Иахьа рҭоурыхтә ԥсадгьыл ахь ихынҳәит 145-ҩык Сириантәи ҳаицтәылауаа.

Иахьа рҭоурыхтә ԥсадгьыл ахь ихынҳәит 145-ҩык Сириантәи ҳаицтәылауаа. Сириа ицо аибашьра иахҟьаны зыуацәеи зҭынхацәеи зцәыӡыз рхьаа акырӡа ихнаҽит урҭ рабдуцәа ахьииз рҭоурыхтә ԥсадгьыл ахь рыхынҳәра иацыз агәырӷьара. Аԥсны гәахәарала атәым дгьыл аҿынтә иааз аԥацәа ирԥылоит.

Аԥсны аиҳабыра қьырала иааныркылаз аҳаирплан Беирутынтә Шәача иаит иахьа 22 сааҭи 30 минуҭи рзы. Аҳаирбаӷәазаҿы ҳашьцәа дырԥылеит Адәныҟатәи аусқәа рминистр ихаҭыԥуаҩ Иракли Хынҭәба, Аҭоурыхтә ԥсадгьыл ахь архынҳәразы аҳәынҭқарратә еилакы аусзуҩцәа, ауаажәларра ахаҭарнакцәа, аԥсуа массатә-информациатә хархәагақәа. Агәыԥ иацны иааит аԥырра аиҿкааратә, аиқәыршәаратә усқәа еиҳа иласны рыӡбаразы заанаҵы Беирут ишьҭыз Адәныҟатәи аусқәа рминистрра адипломатцәа Инар Гыцбеи Ҭенгиз Ҭарбеи. Апрактикатә усқәа рацәаны имҩаԥигеит Аԥсны Адәныҟатәи аусқәа рминистрра ахьӡала арепатриациа апроцесс ҳәаақәҵара азызуа Сириантәи ҳашьа Иасер Маан.

Аҳаирбаӷәазантәи ҳашьцәа автобусқәа ирықәыртәаны Аԥсныи Урыстәылеи рҳәынҭқарратә ҳәаахь иааган. Иахәҭаз апроцедурақәа ианырхыс ашьҭахь Сириантәи ҳаицтәылауаа Аҟәаҟа амҩа иқәлеит, иахьырзыԥшыз асасааирҭа «Аиҭар» ахь.

Аԥсны Адәныҟатәи аусқәа рминистрра аԥыза-министр Л. И. Лакербаиа ихылаԥшрала арепатрициа апроцесс ҳәаақәҵара азнауан, Урыстәыла Адәныҟатәи аусқәа рминистрреи Сириа иҟоу Урыстәылатәи Афедерациа Аҳауатә транспорттә маҵзуреи иааиԥмырҟьаӡақәа ирыдҳәаланы. Урыстәылатәи Афедерациа амаҵзурақәа рҟытәи ҳаззыԥшыз ацхыраара аарԥшын, уи ҽазныкгьы иаршаҳаҭуеит Аԥсныи Урыстәылеи реиҩызаратә русеицуратә еизыҟазаашьақәа рыҩаӡара шыҳараку. Аиҿкаара-еимадаратә цхыраагӡа ду аанарԥшит иара убасгьы Урыстәыла иҟоу Аԥсны Аҳәынҭқарра Ацҳаражәҳәарҭа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21