aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрраҿы Сириантә иааз ҳџьынџьуаа анаҩстәи радаптациа азҵаарақәа ирылацәажәеит. 23.04.2013

Аԥсны Адәныҟатәи аусқәа рминистрраҿы Сириантә иааз ҳџьынџьуаа анаҩстәи радаптациа азҵаарақәа ирылацәажәеит.

Аизара иалахәын аминистр В. Чрыгба, уи ихаҭыԥуаа, Аҭоурыхтә ԥсадгьыл ахь архынҳәразы аҳәынҭқарратә еилакы ахантәаҩы ихаҭыԥуаҩ А. Маршьан, Арепатриациазы афонд аиҳабы Џь. Смыр, иҳәынҭқарратәым аилазаара «Амилаҭтә ресурсқәа» аиҳабы Ц. Гәымԥҳа, ауаажәларратә хеидкыла «Аԥсадгьыл ахь» алахәцәа Р. Ажьиба, Р. Аџьынџьал, Д. Аргәын.

Аилацәажәара тема хадас иазықәгылаз Сириантәи иааз ҳџьынџьуаа анаҩстәи радаптациазы аҳәынҭқарра ауаажәларратә хеидкылақәа рыцхыраарала имҩаԥнагараны иҟоу ашьаҿақәа ракәын. Адәныҟатәи аусқәа рминистр В. Чрыгба еизаз аԥсшәа раиҳәеит, «аиааира ду» иаҳгаз рыдиныҳәалеит. Иара иажәақәа рыла «160 шықәса раахыс раԥхьаӡа акәны иалыршахеит абас еиԥш хыԥхьаӡара рацәала ҳџьынџьуаа рҭоурыхтә ԥсадгьыл ахь раагара. Ҳара зегьы аӡәк еиԥш ҳаидгыланы иҳалшеит абри акциа амҩаԥгара».

Аминистр иҭабуп ҳәа реиҳәеит ари апроцесс ацхыраара азҭаз зегьы, хаҭалагьы иаликааит Ц. Гәымԥҳаи ахеидкыла «Аԥсадгьыл ахь» ахаҭарнакцәеи, урҭ роуп ақ. Беирут аҟынтәи ачартертә реис аиҿкааразы аидеиа зтәыз.

Аҭоурыхтә ԥсадгьыл ахь архынҳәразы аҳәынҭқарратә еилакы ахантәаҩы ихаҭыԥуаҩ А. Маршьан ҿыц иааз ҳашьцәа руаӡәык иажәақәа ааигеит: «Аԥсны Аҳәынҭқарра аиҳабыра иҭабуп ҳәа зларасҳәаша ажәақәа сзыԥшаауам. Аҵыхәтәантәи 2 шықәса ирылагӡаны абра ҳанааи ауха заҵәык ҭынч сыцәеит». Анаҩс апрактикатә зцаарақәа рахь ииасын. Арепатриантцәа амедицинатә цхыраара рыҭара азҵаара иалацәажәан, аиҵбыратәи, абжьаратәи, иреиҳау аҵараиура апроблема иазааҭгылан, иара убас ихадароу ак акәны иазгәарҭеит абызшәатә курскәа реиҿкаара.

Реиҳа иактуалтәу зҵаарақәаны аизара алахәцәа иалыркааз иреиуоуп арепатриантцәа анхарҭа ҭыԥқәа рзылхреи, аусура раларгареи. Арепатриациазы аилаки афонди ражәалагалақәа ирзыӡырҩит, анаҩс ауаажәларратә хеидкылақәа рхаҭарнакцәа ридеиақәа. Ирыӡбеит иконкреттәу ажәалагалақәа рыманы атәыла аиҳабыра рахь анеира.

Аизара алҵшәақәа дырзааҭгыло, Адәныҟатәи аусқәа рминистр аилацәажәара алахәцәа иҭабуп ҳәа реиҳәеит конструктивтә шьаҭала ргәаанагара ахьеибырҳәаз азы, арепатриантцәа рыпроблемақәа иахьрызҿлымҳау азы. Абри атемала В. Чрыгба аилацәажәарақәа еиԥҟьарада имҩаԥаҳгалап ҳәа ажәалагала ҟаиҵеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21