aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Сириантәи ҳашьцәа дырԥылеит 25.04.2013

Аԥсны Адәныҟатәи аусқәа рминистр Сириантәи ҳашьцәа дырԥылеит

Мшаԥымза 25 рзы асасааирҭа «Аиҭар» аҟны имҩаԥысит Адәныҟатәи аусқәа рминистр В. А. Чрыгбеи мчыбжьык аԥхьа Сириантә иааз арепатриантцәеи реиԥылара. Аминистр асасааирҭа ашҭаҿы еизаз ҳашьцәа аԥсшәа реиҳәеит, агәра диргеит аҳәынҭқарра ԥхьаҟагьы арепатриациа апроцесс ҭакԥхықәрала ишазнеило.

Анаҩс арепатриантцәа рхаҭарнакцәеи урҭ ирызнеиз аҳәынҭқарра аусзуҩцәеи иҟаҵатәу аусқәа ирылацәажәеит. Уи аиԥылара аминистр инаҩсгьы иалахәын адәныҟатәи аусқәа рминистр ихаҭыԥуаҩ Иракли Хынҭәба, Арепатриациазы аҳәынҭқарратә еилакы ахантәаҩы инапынҵақәа назыгӡо А. Маршьан, Арепатриациазы Афонд аиҳабы Џь. Смыр, Аԥсны Адәныҟатәи аусқәа рминистрра Аинформациа аҟәша аиҳабы Ҭ. Р. Ҭарба, аминистрра аусзуҩцәа. Арепатриантцәа рганахьала аиԥылара иалахәын Рудад Кәукәыуа, Басаан Маан, Нашьааҭ Арыҩҭаа, Наазын Ӡыгә-иԥа.

Аҳәынҭқарратә усзуҩцәеи арепатрианцәеи инарҭбааны ирзааҭгылеит Сириантә иааз ҳаицтәылауаа радаптациазы имҩаԥгатәу ашьаҿақәа, иконкреттәу азҵаарақәа ирылацәажәеит. Арепатриациазы аҳәынҭқарратә комитет аусзуҩцәа иаздырхиаз аинформациаҿы арепатриантцәа зегьы еиуеиԥшым акатегориакәа рыла еихыршеит, уи аихшара хархәара азыухоит адаптациа апроцесс аҳәаақәа ирҭагӡаны имҩаԥгахо ауснагӡатәқәа раан.

Аиԥылара ахыркәшамҭаз арепатринтцәа рхаҭарнак Басааҭ Маан аминистр ихьӡала Аԥсны аиҳабыра зегь иҭабуп ҳәа раиҳәеит: «Аԥсны ҳанааи ауха, сыблала ианызба ари адгьыл, даараӡа сгәырӷьеит. Адунеиаҿ даҽа ҳәынҭқаррак Аԥсны аҟара ацхыраара ҳнамҭеит, убри азыҳәан атәыла аиҳабыра даараӡа иҭабуп ҳәа раҳҳәоит», – иҳәеит Б. Маан.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21