aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥснытәи аган ажәалагала ҟанаҵеит Женеватәи аиҿцәажәарақәа русхәаԥштә ахь Аԥсны адеизолиациа азҵаара аларҵарц 14.05.2013

Аԥснытәи аган ажәалагала ҟанаҵеит Женеватәи аиҿцәажәарақәа русхәаԥштә ахь Аԥсны адеизолиациа азҵаара аларҵарц

23-тәи Женеватәи аиҿцәажәарақәа рылҵшәақәеи, рашәарамза 25-26 рзы имҩаԥысран иҟоу анаҩстәи аиҿцәажәарақәеи ирызкны Женеватәи аиҿцәажәарақәа реицхантәаҩцәеи ҳареи даараӡа хра злаз ҳаиԥылара мҩаԥысит ҳәа ажурналистцәа адырра риҭеит Адәныҟатәи аусқәа рминистр Виачеслав Чрыгба.

Иара излаиԥхьаӡо ала, аҵыхәтәантәи аиҿцәжәарақәа раан иазырхиаз амч ахамырхәаразы аиҿцәажәарақәа рылахәцәа еицырзеиԥшу аҳәамҭа аҵак ду амоуп. «Қырҭтәылатәи аган, еилкаам амзызқәа ирыхҟьаны, иахьазы уи аҳәамҭа аднамкылеит – иҳәеит аминистр. – Иааиуа араунд аҟны ари азҵаара еиҭацәыраҳгоит, агәыӷра ҳамоуп қырҭтәылатәи аган иахьцалакгьы еилнакаап ҳәа ари аҳәамҭа иудукылаша ак акәны ишыҟоу. Ари шьаҿа думхаргьы, зегь акоуп ԥхьаҟа амч ахамырхәаразы аиқәшаҳаҭра ду адкыларазы цхыраара бзиахоит.

Ихадароу ак акәны Чрыгба иԥхьаӡоит иара убас аиҿцәажәарақәа хәҭакахьала рформат аԥсахрагьы. «Ԥыхьатәи аформат ахь ахынҳәра зынӡагьы ҳгәы иҭам, – азгәеиҭеит иара, – шьыбжьаанӡа ҩ-гәыԥк рҟны аус ҳаулоит, шьыбжьышьҭахь – гәыԥкны ҳҽеидаҳкылоит».

В. Чрыгба излаиҳәаз ала, Еидҵоу амилаҭқәа реилазаара Ассамблеиа Хада қырҭтәылатәи ахҵәацәа рзы Аԥсны агнахьала иобиективтәым ақәҵара архиара иаҿуп. «Аҳәара ҟаҳҵеит, ақәҵаразы абжьыҭара мҩаԥысаанӡа, Ньиу-Иорк ҳцаны Ассамблеиа Хада алахәцәа рҿаԥхьа ҳақәгыланы, ахҵәацәа рганахьала ҳгәаанагара ҳҳәаразы алшара ҳарҭарц. Еиҭахгьы авизақәа раиураҿы мап ҳцәыркыр, уи Женеватәи аиҿцәжәарақәа аҩбатәи русуратә гәыԥ аҟны ҳалахәхара ианыԥшуеит», – иҳәеит Чрыгба. Иагьазгәеиҭеит аԥснытәи аган Женеватәи аиҿцәжәарақәа рҿы ахҵәацәа рызҵаара зынӡа ишцәырнамго. «Ассамблеиа Хада аҿаԥхьа ақәгыларазы алшара анҳарымҭа, Женеватәи аиҿцәажәара аҩбатәи русуратә гәыԥ аҟны иззааҭгыло агуманитартә зҵаарақәагьы ӡбамкәа иаанхоит», – иҳәеит Чрыгба.

Уи анаҩсгьы, аминистр иажәақәа рыла, аԥснытәи аган Женеватәи аиҿцәажәарақәа русхәаԥштә ахь иаларҵарц ажәалагала ҟанаҵеит Аԥсны адеизолиациа азҵаарагьы. «Арахь иаҵанакуеит аԥсуеи урыстәылатәии атәылауашәҟәқәа рыла аҳәаанырцә ацаразы азин амазаареи, европатәи аҵараиурҭақәа рҟны аҵаразы ҳабитуриентцәа алшара роурц, абжьаратә ҵара аршаҳаҭгақәа разхаҵареи. Насгьы иҟоуп ауааԥсыра Аԥсны Аҳәынҭқара атәылауашәҟәқәа мацара змоу, урҭ зынӡа аҳәаанхыҵ ацара азин рымаӡам», – ҳәа азгәеиҭеит В. Чрыгба.

http://apsnypress.info/news/8953.html


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21