aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

АԤСНЫ АДӘНЫҞАТӘИ АУСҚӘА РМИНИСТРРА 20 ШЫҚӘСА АХЫҴРА ИАЗКУ АНЫҲӘАТӘ ЕИЛАТӘАРАҾЫ В. А. ЧРЫГБА ИҚӘГЫЛАРА 17.05.2013

АԤСНЫ АДӘНЫҞАТӘИ АУСҚӘА РМИНИСТРРА 20 ШЫҚӘСА АХЫҴРА ИАЗКУ АНЫҲӘАТӘ ЕИЛАТӘАРАҾЫ В. А. ЧРЫГБА ИҚӘГЫЛАРА

Ҳаҭыр зқәу Аҳәынҭқарра ахада, аԥыза-министр, Жәлар Реизара аиҳабы, акыр иаԥсоу ҳасасцәа, ҳколлегацәа, аҩызцәа!

Гәахәара дула бзиала шәаабеит ҳәа шәасҳәоит Аԥсны Адәныҟатәи аусқәа рминистрра 20 шықәса ахыҵра иазку аныҳәатә еилатәараҿы!

1993 (зқьи жәшәи ԥшьынҩажәи жәаха) шықәсазы Аԥсны Абтәылатәи аибашьраҿы иаҳгаз Аиааира иабзоурахеит зхы иақәиҭу аԥсуа ҳәынҭқарра аира, ари ахҭыс ду иазықәԥон шықәсырацәала еиуеиԥшым аԥсуа абиԥарақәа. 1993 шықәсазы иаԥҵан ихадароу аҳәынҭқарратә мчра аусбарҭақәа. Урҭ иреиуоуп Адәныҟатәи аусқәа рминистррагьы. Адипломатиатә маҵзура ашьақәгылареи аибашьратә жәыларақәеи аамҭаказы еицымҩаԥысуан, убри аҟнытә аматериалтә ресурсқәеи ауааԥсыреи рганахьала азымхара ду ыҟан. Аха егьа ус акәзаргьы, Аԥсны Адәныҟатәи аусқәа рминистрра аԥызҵоз ауаа рпатриотизм ауадаҩрақәа зегь рҿаԥхьа аиааира агеит.

Лаҵарамза 13, 1993 шықәсазы Аԥсны Иреиҳаӡоу Асовет ахантәаҩы Владислав Арӡынба инапы аҵаиҩуеит Аԥсны Аҳәынҭқарра Иреиҳаӡоу Асовет ахадара иаднакылаз «Аԥсны Адәныҟатәи аусқәа рминистрра аԥҵаразы» ақәҵара.

Адәныҟаполитикатә усбарҭа аусура шьақәдыргылон иахьатәи атәыла аполитикатә, ауаажәларратә, аҭҵаарадырратә елита иахыԥхьаӡалоу аӡәырҩы: Саид Ҭаркьыл, Сократ Џьынџьал, Леонид Лакрба, Константин Озган, Игор Ахба, Сергеи Шамба, Максим Гәынџьиа – арҭ зегьы еиуеиԥшым аамҭақәа рзы аминистрра иахагылан.

Абар шьҭа ҩажәа шықәса рышьҭахь, адипломатиатә маҵзура аусура алҵшәақәак урзааҭгылартә иҟоуп.

Иҟаҵоу маҷым: иахьазы Аԥсны зхы иақәиҭу, ихьыԥшым, иазхаҵоу тәылак аҳасабала, шьамхыӷәӷәала игылоуп.

Ус ишыҟоугьы, ҳазҭагылоу аамҭа иацу ашәарҭарақәа, ицәырнаго азҵаарақәа рҿаԥхьа ҳаиҿамсырц азыҳәан, Адәныҟатәи аусқәа рминистрра профессионалтә ҩаӡара ҳаракыла аусура иазнеилароуп, адипломат изҷыдароу аамысҭашәареи ахагәрагареи ҳаманы. Зегь раԥхьаӡа игылоу адипломат иуалԥшьа – атәыла аҿиара ишьақәнаргыло иарбанзаалак аполитикатә ҭагылазаашьаҿы амилаҭтә интересқәа реилкаароуп. Аԥсны Адәныҟатәи аусқәа рминистрра аусураҿы еснагь аԥхьа игылазаауеит амилаҭтә интересқәа рыхьчара азҵаара, Аԥсны ахақәиҭра шәарҭара шамам азы агарантиақәа рырӷәӷәара хықәкыс иҟаҵаны.

Сықәгылара ахыркәшамҭаз, гәык-ԥсыкала адныҳәалара ҟасҵарц сҭахуп, Аԥсны Аҳәынҭқарра адипломатиатә усзуҩцәеи, ҳтәыла адәныҟатәи аполитика амҩаԥгара иалахәызи, иахьагьы иалахәу зегь рахь схы нарханы. Ишәзеиӷьасшьоит агәабзиара, аманшәалара, Аԥсны аинтересқәа рыхьчараҿы ақәҿиара ҿыцқәа шәоулааит!

Ҷыдала иҭабуп ҳәа расҳәарц сҭахуп иахьатәи ҳныҳәа ҳацеиҩызшо асасцәа – Аԥсны ҩызарала иазыҟоу атәылақәа рдипломатиатә маҵзурақәа рҟынтә иаҳҭааз. Аԥсны Адәныҟатәи аусқәа рминистрра 20 шықәса ахыҵра азгәаҭара шәахьалахәугьы даҽазнык иаршаҳаҭуеит Аԥсны адәныҟаполитикатә усбарҭа шҭы́шәынтәалаз.

Иҭабуп шәахьсзыӡырҩыз!


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21