aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсныи, Аахыҵ Уаԥстәылеи, Приднестровиеи, Ашьха-Ҟарабахи рыдәныҟатәи аусқәа рминистрцәа злахәыз аиԥылара мҩаԥысит 17.05.2013

Аԥсныи, Аахыҵ Уаԥстәылеи, Приднестровиеи, Ашьха-Ҟарабахи рыдәныҟатәи аусқәа рминистрцәа злахәыз аиԥылара мҩаԥысит

Имҩаԥысит Аԥсныи, Аахыҵ Уаԥстәылеи, Приднестровиеи, Ашьха-Ҟарабахи рыдәныҟатәи аусқәа рминистрцәа В. Чрыгбеи, Д. Санакоеви, Н. Штански, К. Мирзоиани злахәыз аиԥылара. Аиԥылара мҩаԥысит Аԥсны Адәныҟатәи аусқәа рминистрра 20 шықәса ахыҵра иазкны аныҳәатә усмҩаԥгатәқәа рҳәаақәа ирҭагӡаны. Ирылацәажәеит ҩ-ганклатәи, ганрацәалатәи аусеицурақәа рырҿиара иадҳәалоу азҵаарақәа жәпакы. Виачеслав Чрыгба иааԥхьаратә ажәаҿы иазгәеиҭеит: «Ҳтәылақәа рыкәша-мыкәша аполитикатә ҭагылазаашьа ирлас-ырласны аҽаԥсахуеит, уи ҳагымхакәа ҳҽақәҳаршәаларц азы ҳаргьы ииашаны ҳазнеилароуп. Убри аҟнытә ҳара ҳаизыҟазаашьақәа астратегиатә ҵак ду рымоуп, иаҳзеиԥшу ахықәкқәа рынагӡаразы, ҳтәылақәа ринтересқәа рыхьчаразы, ҳаимадарақәа еиҳагьы иҳарӷәӷәароуп».

Приднестровиатәи Молдавиатәи Ареспублика Адәныҟатәи аусқәа рминистр Нина Штански ганрацәалатәи аусеицура далацәажәо иазгәалҭеит: «Урыстәылатәи Афедерациа ихацнаркыз евразиатәи аинтеграциа апроцесс аусеицуразы алшара ҿыцқәа аԥнаҵоит. Приднестровиеи, Аахыҵ Уаԥстәылеи, Аԥсныи, Ашьха-Ҟарабахи ари аусхкаҿы русеицура Урыстәылатәи Афедерациа имҩаԥнаго аполитика аинформациатә цхыраагӡа ду анаҭоит. Ари апроект иаҵанакуа аҳәынҭқаррақәа ринтеграциа мацара акәӡам, агеографиа аасҭа араҟа аидеологиа аԥхьагылраа амоуп. Ҳара ҳтәылақәа, ишдыру еиԥш, азеиԥш идеиологиатә ҵакыра рымоуп». Штански аганқәа зегь рахь ажәалагала ҟалҵеит абри азҵаара еиҳа инарҭбааны иалацәажәарц Приднестровиатәи Молдавиатәи Ареспубликаҟны. Аиԥылара алахәцәа адгылеит абас еиԥш ганрацәалатәи аусеицура азҵаарақәа рылацәажәара амҩаԥгара аидеиа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21