aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрраҿы МГИМО иҭаларан иҟоу астудентцәа ирԥылеит 21.05.2013

Аԥсны Адәныҟатәи аусқәа рминистрраҿы МГИМО иҭаларан иҟоу астудентцәа ирԥылеит

Лаҵарамза 21 рзы Аԥсны Адәныҟатәи аусқәа рминистрраҿы аминистр ихаҭыԥуаҩ Иракли Хынҭәба дырԥылеит Урыстәылатәи Афедерациа Адәныҟатәи аусқәа рминистрра иатәу Жәларбжьаратәи аизыҟазаашьақәа рзы Москватәи аҳәынҭқарратә институт (ауниверситет) (МГИМО (У)) аҭаларазы аԥышәарақәа ирхысыз абитуриентцәа.

Дарина Ашәԥҳа, Иарна Ҩарданԥҳа, Алмахсиҭ Осиа, Дауҭ Бениа, Риҵа Логәуа – рани раби ирыцны аиԥыларахь иааит.

И. Р. Хынҭәба абитуриентцәа ирыдиныҳәалеит имариамыз аԥышәарақәа қәҿиарала иахьарҭаз. Арҭ аԥышәарақәа Аԥсны Адәныҟатәи аусқәа рминистрра еиҿнакааит МГИМО аметодологиеи апрограммақәеи ирықәныҟәаны.

«МГИМО ахь Аԥснынтә аҵаразы иаҳшьҭуа ари раԥхьатәи гәыԥым. Урыстәыла ахада В.В. Путин иқәҵарала, есышықәса хә-ҩык Аԥснытәи ахәыҷқәа абиуџьеттә ҭыԥқәа рзалхны иҟоуп. Уи иабзоураны зыпрофессионалтә ҩыӡара ҳараку аспециалистцәа ҳауеит, Аԥснытәи аҳәынҭқарратә университет иоунажьуагьы даргьы еицны аԥсуа дмпломатиатә маҵзура иаҵагылаша», – ҳәа азгәеиҭеит Хынҭәба.

Аминистр ихаҭыԥуаҩ иажәақәа рыла, абитуриентцәа даара ибзианы рҽазырҟарҵеит.

«Иазгәасҭарц сҭахуп, ҵыԥх еиԥш сынтәагьы аԥышәарақәа ҩаӡара ҳаракыла ишеиҿкааз. Дарбанзаалак аӡәы аицлабратә ԥышәара ацашьа анырра аиҭартә иҟамызт. Ари ҳәынҭқарратә усуп инаҳагӡаз», – иҳәеит аминистр ихаҭыԥуаҩ.

Уи ашьҭахь аиҿкааратә зҵаарақәа ирылацәажәан. Абитуриентцәа атәым бызшәакәа рҵарц шырҭаху рҳәеит. Сынтәатәи ашықәс азы абитуриентцәа англыз бызшәа инаваргыланы аиспан бызшәагьы рҵон. Ихадароу акоуп, дара рхатәы бызшәагьы бзианы иахьырдыруа.

Аиԥылара ахыркәшамҭаз астудентцәа рани раби рҟынтә аҟәыш ажәақәа раҳаит: «Шәыԥсадгьыл аҳаҭыраз ибзиаӡаны аҵара шәҵалароуп. Аԥсны ԥхьаҟа иҭыгатәуп, аҭакԥхықәра ду шшәыду еилышәкаароуп. Шәзанааҭ бзиаӡаны ижәдыруа шәҟәалароуп шәымчгьы шәылшарагьы андухо!»


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21