aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Лаҵарамза 13 рзы Еидҵоу Амилаҭқәа Реилазаара Ассамблеиа Хада иаднакылаз Ақәҵара «Қырҭтәыла иатәу Аԥсныи, Цхинвалтәи араиони рҟынтә ахҵәацәа рҭагылазаашьа» ҳәа хьӡыс измоу иазкны Аԥсны Адәныҟатәи аусқәа рминистрра иҟанаҵаз ахҳәаа. 15.06.2013

Лаҵарамза 13 рзы Еидҵоу Амилаҭқәа Реилазаара Ассамблеиа Хада иаднакылаз Ақәҵара «Қырҭтәыла иатәу Аԥсныи, Цхинвалтәи араиони рҟынтә ахҵәацәа рҭагылазаашьа» ҳәа хьӡыс измоу иазкны Аԥсны Адәныҟатәи аусқәа рминистрра иҟанаҵаз ахҳәаа.

«Қырҭтәыла иатәу Аԥсныи, Цхинвалтәи араиони рҟынтә ахҵәацәа рҭагылазаашьа» ҳәа хьӡыс изманы лаҵарамза 13 рзы Еидҵоу Амилаҭқәа Реилазаара Ассамблеиа Хада иаднакылаз, аполитизациа зныԥшуа Ақәҵара ҳаззыԥшымыз ак акәны иҟамлаӡеит. Уи абар шьҭа афбатәи қәҵароуп, аиԥш зеиԥшу есышықәса Қырҭтәыла иазнархиоит, дара рҵакқәагьы шамахамзар рҽеиҭаркӡом.

Аԥсны Адәныҟатәи аусқәа рминистрра изныкымкәа жәларбжьаратәи аилазаарахь ааԥхьара ҟанаҵахьеит арегион аҟны иҟоу аполитикатә, агуманитартә ҭагылазаашьа шьаҭанкыла изыреицакуа адокумент адгылара аҭара шыҟамло. Аха ҩаԥхьа Аԥсны аламырхәӡакәа ари ашәҟәы рыдыркылеит, Аԥсны ахаҭарнакцәа рпозициа Ассамблеиа Хада алахәцәа рҟынӡа инаргартә алшара ахьрырамҭаз иахҟьаны. Аха ус шакәызгьы хазы игоу атәылақәа ҳаҽрымаданы ҳара ҳаргументқәа деилыркааразы аусура мҩаԥаҳгон.

Ирдыркылаз ақәҵара Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рҟны агуманитартә зҵаарақәа рыла аусуратә гәыԥ аҳәаақәа ирҭагӡаны имҩаԥысуа апроцесс арҿиара изацхраауам. Аԥсны Адәныҟатәи аусқәа рминистрра ҽазныкгьы аҳәамҭа ҟанаҵоит Женеватәи аиҿцәажәарақәа рымшхәаԥштә иатәу азҵаарақәа ари жәларбжьаратәи афорум иҭыганы рылацәажәара шыҟамло.

Иазгәаҭатәуп, атәылақәа жәпакы – 120 инареиҳаны – ари адокумент ишадымгылаз. Қырҭтәыла иазнархиаз ақәҵара апроект иаҿагыланы зыбжьы зҭииз атәылақәа рхыԥхьаӡара иацлеит.

Ари ақәҵара абжьагаратә ҟазшьоуп иамоу, азинмчра ҳәа акагь амам. Аха иара убри аамҭаз абас еиԥш иҟоу амцԥаршеирала иҭәу адокументқәа Қырҭтәыла аҽазҵәылхны рӡыргара иахьашьҭоу иаҳәо акоуп – аиҳабыра ҿыц шааизгьы урҭ рполитикатә курс аҽамԥсахӡеит.

Хара имгакәа Аԥсны Адәныҟатәи аусқәа рминистрра ари ақәҵареи Еидҵоу Амилаҭқәа Реилазаара Амаӡаныҟәгаҩ Хада уи инамаданы иҟаиҵаз ажәахәи ирызкны инарҭбааны ахҳәаа ҟанаҵоит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21