aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Иапониатәи ауаажәларра-политикатә хеилак «Иссуикаи» аделегациа Аԥсны Адәныҟатәи аусқәа рминистр инапынҵақәа назыгӡо Олег Аршба ицны Ҭҟәарчал ақалақь иаҭааит 21.06.2013

Иапониатәи ауаажәларра-политикатә хеилак «Иссуикаи» аделегациа Аԥсны Адәныҟатәи аусқәа рминистр инапынҵақәа назыгӡо Олег Аршба ицны Ҭҟәарчал ақалақь иаҭааит

Иапониатәи ауаажәларра-политикатә хеилак «Иссуикаи» аделегациа Аԥсны Адәныҟатәи аусқәа рминистр инапынҵақәа назыгӡо Олег Аршба ицны Ҭҟәарчал ақалақь иаҭааит. «Иссуикаи» ахаҭарнакцәа дырԥылеит Ҭҟәарчал ақалақь ахада Ҭемыр Гогәуа.

Ҭемыр Гогәуа асасцәа ирзеиҭеиҳәеит ақалақь афырхаҵаратә ҭоурых, уи асоциал-економикатә ҭагылазаашьа зеиԥшроу дазааҭгылеит. «Аԥсны абтәылатә еибашьраан Ҭҟәарчал есҽны иеихсуан, 415 мшы амацәаз иҭакын. Иахьазы ари арегион акапитал рацәаӡаны иалаҵатәуп уаанӡа аус зуаз ааглахратә наплакқәа ҩаԥхьа аусура иалагаразы», – ҳәа азгәеиҭеит ақалақь ахада.

«Ари аҭаара даара анырра ӷәӷәа ҳнаҭеит, Ҭҟәарчал аҭоурых хьанҭоуп, аха иагьфырхаҵаратәуп. Ҭҟәарчал ақалақьуаа ргәамч аӷәӷәара иабзоураны урҭ ауадаҩрақәа зегьы ирхысит. Сара даара сгәы аладууп Аԥсны ахақәиҭтәра иалахәыз рҟынтә ари ақалақь аҭоурых ахьсаҳаз. Иапониатәи ажәаԥҟа ишаҳәо еиԥш, ақәҿиара агара анахысгьы уи аиқәырхароуп ихадароу», – иҳәеит Кимура Мицухиро.

Иапониатәи аделегациа ахада агәыӷра ааирԥшит Ҭҟәарчал ақалақьи дара рхеилаки ԥхьаҟа аекономикатә усеицура рыбжьалап ҳәа.

Адиалог конструктивтә шьаҭла имҩаԥысит, аиԥылара алахәцәа иалыркааит ирыбжьаларан иҟоу аусеицура ахырхарҭа хадақәа, хаҭалагьы атуризми, ааглыхреи, аенергохыҵхырҭақәеи русхкқәа рҿы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21