aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Женеватәи аиҿцәажәарақәа рҳәаа иҭагӡаны ганклатәи аҳәамҭақәа рҵаки рфункциақәеи зинтә шьаҭала реилыркаара иазкыз аинформациатә сессиа мҩаԥысит 26.06.2013

Женеватәи аиҿцәажәарақәа рҳәаа иҭагӡаны ганклатәи аҳәамҭақәа рҵаки рфункциақәеи зинтә шьаҭала реилыркаара иазкыз аинформациатә сессиа мҩаԥысит

Изаамҭанытәиу Женеватәи аиҿцәажәарақәа ралагара мышкы шагыз ганклатәи аҳәамҭақәа рҵаки рфункциақәа зинтә шьаҭала реилыркаара иазкыз аинформациатә сессиа мҩаԥысит. Уахь инаԥхьаз жәларбжьаратәи азин аҟны аекспертцәа аделегациақәа рылахәцәа рзы ганклатәи аҳәамҭақәа зинла рхархәара аԥышәа ахәшьара азыҟарҵеит. Жәларбжьаратәи азин асубиектқәа иҟарҵо ҩыралатәи ма ҿырҳәалатәи аҳәамҭақәа еиҟароу рзакәантәра ахәшьара арҭеит. Аекспертцәа ргәаанагарала, жәларбжьаратәи азин асубиектқәас иуԥхьаӡар ауеит зыстатус еимактәу аганқәагьы.

Аԥсны Аҳәынҭқарреи Аахыҵ Уаԥстәылеи рделегациақәа азҵаарақәа ҟарҵеит 2008 шықәса нанҳәамза 7 рзы Қырҭтәыла ахада иҟаиҵаз аҭынчра адгылареи амч ахамырхәареи зныԥшуаз ганклатәи аҳәамҭа иазкны. Аха уи аухаҵәҟьа Қырҭтәыла Цхьинвал иақәлеит, усҟан имаҷымкәа аҭынчуааԥсыреи аруааи ҭахеит. Аԥснытәи, аахыҵ-уаԥстәылатәи аганқәа ргәаанагарала, ари афакт иаршаҳаҭуеит ганклатәи аҳәамҭақәа жәларбжьара-зинтә хархәагак аҳасабала ишыӷәӷәам.

Аԥснытәи аахыҵ-уаԥстәылатәи аганқәа жәларбжьаратәи аекспертцәа иразҵааит, ганклатәи аҳәамҭа здызкылаз ахаҿы, ма уи иааирԥшуа аҳәынҭқарра аҳәамҭа иаҳәо аԥҟарақәа анынарымгӡалак иарбан ҭакԥхықәроу ирзыԥшу ҳәа. Анаҩс уи аҳәынҭқарра иҟанаҵо ганклатәи аҳәамҭақәа азинтә мчы рыманы изыҟалома?

Аексепртцәа аханатә иазгәарҭеит излацәажәо аҭоурыхтә хҭысқәа рҿы жәларбжьаратәи азин аилагара шыҟалаз, аха уи ашьҭахь Аԥсны Аахыҵ Уаԥстәылеи рделегациақәа ирыларҳәеит 2008 шықәса нанҳәамзазы иҟалаз ахҭысқәа азинтә хәшьара рыҭара иааԥхьоу аспециалистцәа ируалны иҟам ҳәа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21