aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр ихаҭыԥуаҩ И. Р. Хынҭәбеи Еидҵоу Амлаҭқәа Реилазаара ахаҭарнакцәеи реиԥылара 29.06.2013

Аԥсны Адәныҟатәи аусқәа рминистр ихаҭыԥуаҩ И. Р. Хынҭәбеи Еидҵоу Амлаҭқәа Реилазаара ахаҭарнакцәеи реиԥылара

Рашәарамза 28 рзы Аԥсны Адәныҟатәи аусқәа рминистрраҿы имҩаԥысит аминистр ихаҭыԥуаҩ Иракли Хынҭәбеи Аԥсны иҟоу Еидҵоу Амилаҭқәа Реилазаара Ахҵәацәа рзы аусбарҭа аиҳабы Џьон МакКиссики реиԥылара.

Галл араион аҟны аилазаара имҩаԥнаго аусқәа инарҭбааны ирылацәажәеит. Џь. МакКиссик И. Хынҭәба изеиҭеиҳәеит 2013 шықәса актәи азбжазы имҩаԥыргаз аусқәа, иара убасгьы ашықәс аҩбатәи азбжазы ирымоу агәҭакқәа.

Аминистр ихаҭыԥуаҩ дырзааҭгылеит Еидҵоу Амилаҭқәа Реилазаара Амаӡаныҟәгаҩ Хада аҵыхәтәантәи иажәахә аҿы иазгәеиҭаз зҵаарақәак. Хаҭала иаҳҳәозар, И. Хынҭәба аԥсуа-ақырҭуа ҳәаа «хақәиҭрала ахысра» апроблема ақәыргылара ахаҭа иашам ҳәа иԥхьаӡоит. Ари азҵаара ҳазҭагылоу аамҭазы Қырҭтәыла даара апропаганда азыруеит. «Идыру усуп, Қырҭтәылеи ҳареи иҳабжьоу аҳәынҭқарратә ҳәаа арӷәӷәаразы иҟаҳҵо аусмҩаԥгатәқәа Қарҭи егьырҭ мраҭашәаратәи аҳҭнықалақьқәа жәпаки ргәы ишыҵхо. Аха егьа ус акәзаргьы, ари даара акрызҵазкуа зҵаароуп. Ҳәаақәҵара змам, ашәарҭара зцу аҳәаа ахысра – уи акәым «хақәиҭрала аҳәаа ахысра» ҳәа Қырҭтәылеи уи иадгыло атәылақәеи зызхәыцша. Ишахәҭоу еиԥш еибыҭоу, ихьчоу аҳәынҭқарратә ҳәаа ашьақәыргылара иамыхәозар, акымзарак иаԥырхагам Гал араион иқәынхо ауааԥсыреи, Аԥсны атәылауааи зегьы рзинқәа рыхьчара аус», – иҳәеит И. Хынҭәба.

И. Хынҭәба гәахәарала иазгәеиҭеит Еидҵоу Амилаҭқәа Реилазаара Амаӡаныҟәгаҩ Хада иажәахә аҿы ишарбоу жәларбжьаратәи ацхыраара аҭараан «агуманитартә нырра» аҟаҵара аҟынтә арҿиара иацхрааша аусқәа рымҩаԥгарахь ишиастәу. «Аԥсны аиҳабыра иҟанаҵаз аҳәамҭа ииашан иахьеилкаау акраҵанакуеит», – иҳәеит И. Хынҭәба.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21