aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

03.07.2013

Адәныҟатәи аусқәа рминистр ихаҭыԥуааи Приднестровиатәи Молдавиатәи Ареспублика Аофициалтә хаҭарнакра Аиҳабы Г. С. Қәпалбеи реиԥылара

Приднестровиатәи Молдавиатәи Ареспублика Адәныҟатәи аусқәа рминистрра аԥҵоижьҭеи 21 шықәса аҵра амшқәа рзы Аԥсны Адәныҟатәи аусқәа рминистрраҿы аминистр ихаҭыԥуаа Олег Аршбеи Иракли Хынҭәбеи Аԥсны иҟоу Приднестровиатәи Молдавиатәи Ареспублика Аофициалтә хаҭарнакра Аиҳабы Гарри Қәпалбеи реиԥылара мҩаԥысит.

Адәныҟатәи аусқәа рминистрра анапхгара аминистр В. А. Чрыгба ихьӡала приднестровиатәи адипломат аныҳәамш идырныҳәалеит. «Приднестровиатәи Молдавиатәи Ареспублика Адәныҟатәи аусқәа рминистрра арҭ ашықәсқәа ирылагӡаны ишьақәнарӷәӷәеит ихьыԥшым аҳәынҭқарраҿы иҭышәынтәалоу адәныҟаполитикатә усбарҭаны ишыҟоу. Ҳара ҳаигәырӷьоит аамҭа маҷ иалагӡаны ҳусбарҭақәеи ҳхаҭарнакрақәеи рыбжьара аимадара бзиа ахьҳабжьаҳҵаз. Ҳазҭоу ашықәс лаҵара мзазы Приднестровиатәи аделегациа анаҳҭааз иаҳарбаз аусмҩаԥгатәқәа зегь ҳзынагӡар, уи ҳтәылақәа рыбжьара аусеицуразы лагала духоит», – иҳәеит Иракли Хынҭәба.

Гарри Қәпалба аминистрра аиҳабыра иҭабуп ҳәа реиҳәеит иҟарҵаз адныҳәаларақәа рзы, ԥхьаҟагьы аҩ-тәылак рыбжьара аполитикатә, акультуратә, аекономикатә еимадарақәа ирыцҵахап ҳәа агәыӷра ааирԥшит. «Приднестровиатәи Молдавиатәи Ареспублика Адәныҟатәи аусқәа рминистрра 21 шықәса ахыҵра – ари атәыла адәныҟаполитикатә усбарҭа ашьақәгылара аҭоурых ауп. Ҳтәылақәа рыбжьара аизыҟазаашьақәа руасхыр азышьҭазҵаз аиқәшаҳаҭрақәа напы рыҵаҩын ажьырныҳәамза1993 шықәсазы. Уи нахыс 25 рҟынӡа еиуеиԥшым аусбарҭабжьаратә еиқәшаҳаҭрақәа ҳадаҳкылахьеит. Ҳаизыҟазаашьақәа еиуеиԥшым аусхкқәа рҿы динамикала аҿиара иаҿуп», – иҳәеит Қәпалба.

Аиԥылара алахәцәа акрызҵазкуа даҽа рыцхәк иазааҭгылеит – Аԥсны Аџьынџьтәылатә еибашьраан Тамшьтәи ажәылара 20 шықәса ахыҵра. «Тамшьтәи ажәылара иалахәын Приднестровиантә хатәгәаԥхарала Аԥсназы еибашьра иаазгьы, урҭ рфырхаҵара ахаан иаҳхашҭуам, ҳгәалашәараҿы иҟоуп. Приднестровиеи ҳареи ҳаизыҟазаашьақәа ҳажәлар рҭоурых аҿы ихьанҭаӡоу ахҭысқәа рыла иԥышәоуп», – ҳәа азгәеиҭеит аминистр ихаҭыԥуаҩ Олег Аршба.

Аиԥылараҿы иазааҭгылеит ааигәа Аԥсны иаҭааран иҟоу Приднестровиатәи аделегациа ҳаракы рԥылара азҵаарақәа, аҳәынҭкаррақәа рыбжьара акультуратә, аспорттә усмҩаԥгатәқәа рынагӡашьа уҳәа аинтерес ахьеицрымоу егьырҭ азҵаарақәагьы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21