aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

01.07.2013

Ақалақь Пезаро ахадара Италиа Адәныҟатәи аусқәа рминистррахь Аԥсныи Аахыҵ Уаԥстәылеи рхьыԥшымра азхаҵаразы аҳәара нанашьҭит

Аԥсны Адәныҟатәи аусқәа рминистр Виачеслав Чрыгба усуратә визитла Италиа иаҭаара иалагӡаны Рим иқәынхо ауаажәларра-политикатә усзуҩцәеи, абизнесуааи аӡәырҩы дырԥылеит. Аминистр иаҭаара аҭыԥантәи акьыԥхьи ателехәаԥшреи инарҭбааны иазааҭгылеит.

Италиатәи ақалақь Пезаро аҟны аминистр имҩаԥигаз апресс-конференциаҿы ақалақь ауааԥсыра ирзеиҭеиҳәеит Аԥсны аҳәынҭқарра ашьақәгылара аҭоурых, аԥсуа жәлар ахақәиҭразы рықәԥара ахҭыс хадақәа, насгьы иахьатәи аполитика-зинтә, асоциалтә-економикатә ҭагылазаашьа зеиԥшроу дазааҭгылеит. Аиԥылара ахыркәшамҭаз ақалақь Пезаро ахадара Италиа Адәныҟатәи аусқәа рминистррахь аҳәара нанашьҭит Аԥсныи Аахыҵ Уаԥстәылеи рхьыԥшымра азханаҵарц. Аҳәара атекст рнапы аҵарҩит ахадара абжьагаҩцәа.

Аҳәара хәҭакахьала абас аҳәоит:

«Кавказ аҭынчра аагара мҩас иазыҟу арҭ аҩ-тәылак разхаҵара мацароуп. Аҳәара ҟаҳҵоит абри ахырхарҭала активла аусура шәалагарц, арҭ аҩ-тәылак ишахәҭоу еиԥш азхаҵара роуразы (Косово ишаиуз еиԥш)... Жәларбжьаратәи аизолиациа Аԥсныи Аахыҵ Уаԥстәылеи рекономикақәа рзы даара ауадаҩрақәа рацәаны иаԥнаҵоит, урҭ ртәылауаа аҳәаанырцә изымцо-изымаауа иқәханы иҟоуп.

Хыхь иаҳҳәаз ҳасаб азуны, ақалақь Пезаро акоммуналтә хеилак:

1. Аиҳабыра, Адәныҟатәи аусқәа рминистрра, Апалатеи Асенати рхадацәа, адәныҟатәи аусқәа рзы адепутатцәа рпалатеи асенати рхадацәа рахь ааԥхьара ҟанаҵоит Аԥсныи Аахыҵ Уаԥстәылеи рхьыԥшымра азхаҵаразы аусура иалагарц, Евро-Еидгыла аҟны урҭ атәылақәа ринтересқәа аарԥшуа.

2. Ақалақь Пезаро ахадара иаднаҵоит ақалақь Аҟәеи (Аԥсны) ақалақь Цхьинвали (Аахыҵ Уаԥстәыла) иареи аиҩызаратә протоколқәа рнапы аҵарҩырц».


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21