aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

16.07.2013

Ҭырқәтәылатәи аӷба «Ԥашьа» аанкылара иазкны Аԥсны Адәныҟатәи аусқәа рминистрра иҟанаҵаз аҳәамҭа

Ԥхынгәымза 10, 2013 шықәсазы Амшын Еиқәа анеитралтә ӡқәа рҿы қырҭтәылатәи аҳәаахьчаҩцәа ҩаԥхьа иааныркылеит Аԥснынтә (Аҟәатәи абаӷәаза) Ҭырқәтәылаҟа (абаӷәаза «Барҭын») амҩа иқәлаз аӷба «Ԥашьа». Аҵыхәтәантәи фы-мыз ирылагӡаны қырҭтәылатәи аҳәаахьчаҩцәа хынтә изакәантәымкәа ҭырқәтәылатәи аӷбақәа ааныркылахьеит.

Раԥхьатәи аӷба «Аидар» аанкылара мҩаԥысит ҳазҭоу ашықәс хәажәкыра мза 20 рзы. Аԥсыӡ шылеи, ахәшеи зқәыз аӷба Аԥснынтәи (Очамчыратәи абаӷәаза) Ҭырқәтәылаҟа (абаӷәаза «Трабзон») амҩа иқәын. Аҩбатәи ҭырқәтәылатәи аӷба иааныркылаз «Кусва» иара убас Аԥснынтәи Ҭырқәтәылаҟа ицон, уи ааныркылеит лаҵарамза 15, 2013 шықәсазы, ахԥатәи - ԥхынгәымза 10 рзы.

Уаанӡагьы изныкымкәа Ҭырқәтәылантә Аԥсныҟа иаауаз ахәаахәҭратә ӷбақәа Қырҭтәыла иааннакылахьан, аха Ҭырқәтәыла апротестқәа иҟанаҵаз рышьҭахь аанкыларақәа аамҭала ирҟәаҵит. Уажәы Қырҭтәыла амшынқәыларақәа еиҭарылагахт. Арҭ ақәыларатә акциақәа хықәкыс ирымоу Аԥсны аполитикатәи аекономикатәи қәыӷәӷәара аҭароуп, иара уи алагьы арегион аҟны аҭагылазаашьа ашьақәҟьароуп.

Аԥсны Адәныҟатәи аусқәа рминистрра Аԥсныҟа иаауа ҭырқәтәылатәи аӷбақәа изакәантәымкәа раанкыларақәа жәларбжьаратәи амшынқәылара аҳсабала рыхә ашьоит, иара убасгьы Еидҵоу Амилаҭқәа Реилазаара амшынтә зин азы 1982 шықәсазтәи Жәларбжьаратәи аконвенциа аҟны иарбоу иаарту амшын ахақәиҭра апринцип иаҿагылоит ҳәа ирыԥхьаӡоит.

Аԥсны Адәныҟатәи аусқәа рминистрра Женеватәи аиҿцәажәарақәа рылахәцәа рахь ахы нарханы ааԥхьара ҟанаҵоит Қырҭтәыла имҩаԥнаго изакәантәым ақәыларақәа ирықәыӡбарц, Аԥсныҟа иаауа аӷбақәа қырҭтәылатәи аҳәаахьчаҩцәа уаҳа иаанырымкылалалрц иахәҭоу аусқәа мҩаԥыргарц.

Аԥсны Адәныҟатәи аусқәа рминистрра ааԥхьара ҟанаҵоит Еидҵоу Амилаҭқәа Реилазаара ашәарҭадаратә Хеилаки, ОБСЕ, Евро-Еидгылеи рахь жәларбжьаратәи азин иаҿагыло Қырҭтәыла ахымҩаԥгашьа иахәҭоу ахәшьара арҭарц. Аԥсны Адәныҟатәи аусқәа рминистрра Қарҭ адҵа рынаҭоит Амшын Еиқәа анеитралтә ӡқәа рҿы Аԥсны ахәаахәҭра мҩаԥызго ҭырқәтәылатәи аӷбақәеи аекипажи раанкылара иаҟәыҵырц.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21