aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

18.07.2013

Аԥсны жәлар рықәшаҳаҭзаара Амилаҭтә фронт (FNSPA) аԥҵоуп

Ԥхынгәымза 17, Каракас имҩаԥысит апарламент иалахәым аилазаара «Аԥсны жәлар рықәшаҳаҭзаара Амилаҭтә фронт» (FNSPA) раԥхьатәи аилатәара.

Аусмҩаԥгатә напхгара азиуан Венесеулеи Аԥсныи реиҩызаразы апарламенттә гәыԥ ахада Оранхель Лопес. Аилатәара ихы алаирхәит Аԥсны Аҳәынҭқарра Ацҳаражәҳәаҩ Заур Гәаџьаа, иара убас Амилаҭтә Ассамблеиа адепутатцәа, Боливариантәи Аореспублика Венесуела Адәныҟатәи аусқәа рминистрра ахаҭарнакцәа, уҳәа Аԥсны жәлар рықәшаҳаҭзаара Амилаҭтә фронт иалахәхараны иҟоу егьырҭ аиҿкааақәа рхаҭарнакцәагьы.

Амилаҭтә фронт аиҿкаара аидеиа цәырҵит адепутат Оранхель Лопеси Аԥсны Адәныҟатәи аусқәа рминистр Виачеслав Чрыгбеи реиԥылараан, 2012 шықәса хәажәкырамзазы, усҟан Аԥсны имҩаԥысуаз апарламенттә алхрақәа рахь Оранхель Лопес иҭаараан.

Аилатәара аатит Оранхель Лопес иқәгыларала, уи дазааҭгылеит аиҿкаара аусураҿы ԥхьаҟатәи гәҭакқәас ирымоу, иара убасгьы Амилаҭтә фронт иалахәхараны иҟоу ауаа рыхьӡқәа иҳәеит.

Уи ашьҭахь еизаз иддырбеит Аԥсны жәлар рҭоурых атәы зҳәоз адокументалтә фильм, уи зныз адисккгьы аилатәара алахәцәа рыцыԥхьаӡа ирырҭеит.

Аилатәара ахыркәшамҭаз Аԥсны Ацҳаражәҳәаҩ Заур Гәаџьаа Венесеулеи Аԥсныи реиҩызара агәыԥ ахада Оранхель Лопес абас еиԥш аиԥылара аиҿкааразы иҭабуп ҳәа иеиҳәеит, аилатәара алахәцәагьы зегьы иҭабуп ҳәа реиҳәеит иаадырԥшыз адгыларазы.

«Абас ала Венесуелеи Аԥсныи рыжәларқәа рыбжьара аиҩызареи аусеицуреи еиҳа рымҽхак иҭбаахоит. Асоциалтә, аполитикатә, аекономикатә усхкқәа рҿы адагьы аспорти атуризми рганахьалагьы ҳусеицуреи ҳаизыҟазаашьақәеи рыҿиара иацхраауеит Амилаҭтә фронт, ус анакәха Аԥсны ахьыԥшымра азхаҵаразы аиашамҩа ақәлара рзымариахоит егьырҭ атәылақәагьы.»


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21