aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

23.07.2013

Приднестровиа Молдавиатәи Ареспублика Адәныҟатәи аусқәа рминистр Нина Штански Аԥсны Адәныҟатәи аусқәа рминистр Виачеслав Чрыгба ихьӡала адныҳәаларатә нота аалышьҭит Аԥсны аҳәынҭқарратә бираҟ амш инадҳәаланы.

Адныҳәалараҿы иаҳәоит: «21 шықәса раԥхьа аҳәынқарратә бираҟ адкылара атәыла ахақәиҭреи ахьыԥшымреи ирсымволны иҟалеит. Абираҟ аԥшшәқәа ажәлар еиднакылеит, ргәы шьҭнахит, иара уи алагьы аҳәынҭқарра ҿыц ахьчареи, аиҭашьақәыргылареи аус иацхрааит. Аԥсны абираҟ шьҭыхны, шьамхы ӷәӷәала аҿиарамҩа иануп.

Приднестровие атәылаҿы ҳажәларқәа реиҩызареи русеицуреи даара ҳаҭыр ҳзақәуп. Агәра ганы сыҟоуп, аҭоурых-культуратә, аекономикатә, аиуаратә еизыҟазаашьақәа иҳабжьоу ԥхьаҟатәи ҳаицҿиара ишацхраауа».

Аԥсны Адәныҟатәи аусқәа рминистр ихаҭыԥуаа Олег Аршбеи Иракли Хынҭәбеи 1992-1993 шықәсқәа рзы Аԥсны Аџьынџьтәылатә еибашьраан иҭахаз идырым аҵеицәа рыбаҩ ахьыҵырхуа аҭыԥ иаҭааит

Аԥсны Адәныҟатәи аусқәа рминистр ихаҭыԥуаа Олег Аршбеи Иракли Хынҭәбеи 1992-1993 шықәсқәа рзы Аԥсны Аџьынџьтәылатә еибашьраан иҭахаз идырым аҵеицәа рыбаҩ ахьыҵырхуа аҭыԥ иаҭааит. Ахьӡ-аԥша абаҳчаҿы Адәныҟатәи аусқәа рминистрра ахаҭарнакцәеи Аԥсны иҟоу Жәларбжьаратәи Аџьар ҟаԥшь акомитет аиҳабы Џьорџь Дрндарски еицәажәеит, иара ирзеиҭеиҳәеит имҩаԥгоуи, макьаназы иҟарҵаран иҟоуи аусқәа ртәы. Дрндарски иазгәеиҭеит аусқәа зегьы Аԥсны Аминистрцәа Реилазаара, хаҭалагьы аԥыза-министр Леонид Лакрба ихылаԥшрала ишымҩаԥысуа. «Аԥсны аиҳабыра даара иманшәаланы аусқәа еиҿнакааит», – ҳәа азгәеиҭеит иара.

Уажәазы 26-ҩык идырым аҵеицәа рыбаҩқәа ыҵхуп. Аусура иацҵахоит, уи ахыркәшара даҽа мчыбжьык аҟара аамҭа агоит. Иҭахаз рыуацәа шамахамзар зегьы ргенетикатә материалқәа еидкылоуп.

Аминистр ихаҭыԥуаа аҭааны ирбеит абаҩ аидентификациа ахьазыруа алабораториа ҿыцгьы. Аргентинантә ааԥхьара зауз, аҭыԥантәи аспециалистцәа ирывагыланы аус зуа, аспециалистцәа ирацәажәеит.

Аԥсны Адәныҟатәи аусқәа рминистрра аиҳабыра рхаҭарнакцәа иазгәарҭеит имҩаԥысуа аусқәа рҵакы даара ишдуу, Жәларбжьаратәи Аџьар ҟаԥшь акомитет иҟанаҵо ацхырааразы иҭабуп ҳәа рарҳәеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21