aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

29.07.2013

Аԥсны Адәныҟатәи аусқәа рминистр В. А. Чрыгбеи Шьамтәылантәи арепатриантцәеи реиԥылара мҩаԥысит

Ԥхынгәымза 26 рзы Аԥсны Адәныҟатәи аусқәа рминистрра анапхгареи Аҭоурыхтә ԥсадгьыл ахь архынҳәразы аҳәынҭқарратә еилакы ахантәаҩы ихаҭыԥуаҩи Шьамтәылантәи ҳашьцәа Гәдоуҭа ақалақь аҟны аамҭала иахьаангылаз асасааирҭа «Черноморец» иаҭааит.

Аԥсны Адәныҟатәи аусқәа рминистр В. А Чрыгба арепатриантцәа аԥсшәа реиҳәеит. Иара иазгәеиҭеит мызкы аԥхьа иааз ҳашьцәа рганахьала аҳәынҭқарреи асасааирҭеи адкылара бзиа шыҟарҵаз. Аминистр ихынҳәыз арепатриантцәа зегьы радаптациа аус маншәаланы имҩаԥысып ҳәа, насгьы доусы иԥсадгьыл аҿы ихатә ҭыԥ ылихып ҳәа агәыӷра ааирԥшит. Раԥхьаӡа иргыланы иахьазы иҟаҵатәу – аԥсшәеи аурыс бызшәеи ҵатәуп. «Адаптациа ирласны имҩаԥысырц азы абызшәа аҵара зегьы ирыцкуп», – ҳәа азгәеиҭеит аминистр.

Арепатриантцәа гәҭыхас ирымаз азҵаарақәа иреиуан аԥсуа тәылауаҩра аиура азҵаара. Аҭоурыхтә ԥсадгьыл ахь архынҳәразы аҳәынҭқарратә еилакы ахантәаҩы ихаҭыԥуаҩ И. А. Гыцба ишазгәеиҭаз еиԥш, «уажәазы атәылауаҩра аиуразы иахәҭоу ашәҟәқәа реиқәыршәара мҩаԥысуеит, аха атәылауаҩра роуаанӡа, дара рыстатус шьақәзырӷәӷәаша аршаҳаҭгақәа рыҭахоит».

Арепатриантцәа рзы даараӡа иактуалтәуп аусурҭа ҭыԥқәа рыԥшаара апроблема. Шьамтәылантәи иааз ҳашьцәа рхыԥхьаӡараҿы иҟоуп ипрофессионалтәу аҳақьымцәа, анџьнырцәа-аргылаҩцәа, автомеханик, араб бызшәа ҭызҵаауа афилологцәа, англыз литературазы аспециалист, амузыкатә школ арҵаҩцәа, афармацевтцәа, адуқаҭцәа, аиҭагаҩцәа уҳәа уб. егь. В. Чрыгба иазгәеиҭеит арҭ азанааҭқәа зегьы Аԥсны иаҭахны ишыҟоу, убри аҟнытә арепатриантцәа аусурҭа аԥшаараҿы апроблема рызцәырымҵроуп ҳәа иԥхьаӡоит. Насгьы иумҳар залшом уаанӡа иааз рҟынтә аӡәырҩы аусура ишалагахьоу.

Аиԥылара ахыркәшамҭаз В. А. Чрыгба арепатриантцәа ажәа риҭеит Аԥсны Адәныҟатәи аусқәа рминистрра ицәырҵуа азҵаарақәа зегьы рыӡбараҿы иахьынӡауа Арепатриациазы акомитет ацхыраара шанаҭало.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21