aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

В. А. Чрыгбеи Крубера-Ворониа аҳаԥы аҭҵааҩцәа ргәыԥи реиԥылара 30.08.2013

В. А. Чрыгбеи Крубера-Ворониа аҳаԥы аҭҵааҩцәа ргәыԥи реиԥылара

Нанҳәамза 29 рзы Аԥсны Адәныҟатәи аусқәа рминистр В. А. Чрыгба аспелеологцәеи, аҵарауааи, ажурналистцәеи злахәыз агәыԥ идикылеит. Агәыԥ иалахәын: аекспедициа анапхгаҩы, Жәларбжьаратәи аспелеологцәа рыклуб «CAVEX» ахада ихаҭыԥуаҩ Денис Провалов; Испаниа аҭҵаарадыррақәа ракадемиа алахәыла иашаҵәҟьа, абиоспелеолог Серхио Гарсиа; иара убасгьы испаниатәи аканал «Cuatro» уҳәа егьырҭ европатәи ателеканалқәа рҟны ирышьҭуа ателедырраҭара «Desafio Extremo» аҭыхратә гәыԥ (зыхьӡ нагоу аныҟәаҩ, атележурналист Хесус Каиеха). Денис Провалов аминистр иеиҳәеит нанҳәамза 29 инаркны цәыббрамза 9-нӡа жәларбжьаратәи агәыԥ «CAVEX» Аԥсны иҟоу, адунеиаҿы зегь раасҭа иҵаулоу аҳаԥы Крубера-Ворониа (-2196м) аҭҵааразы аекспедициа аҳәаақәа ирҭагӡаны адырраҭара «Desafio Extremo» азы аматериал шҭырхуа. Аексепедициа мҩаԥысуанаҵы аҳаԥы агалереиақәа рҟынтәи ишиашоу ицо аефир ала Евро-Еидгыла аканалқәа жәпакы рахь атранслиациақәа еиҿкаахоит.

Ари иуникалтәу експериментуп, Аԥсны аганахьала аинтересгьы маҷымкәа ицәырнагоит. «Ҳара хықәкыс иҳамоу – зегь раасҭа иҵаулоу аҳаԥы арбара мацара акәӡам, европатәи ахәаԥшҩы изы Аԥсны Аҳәынҭқарра ихьыԥшым тәылак аҳасабала, иахьынӡауа аинтерес аҵаҵаны, обиективла аарԥшра ауп», – ҳәа азгәеиҭеит аекспедициа анапхгаҩы Денис Провалов. «Аԥсны аҭоурых ажәытәӡа иаларсуп. Ҳара ҳхьыԥшымра еиҭашьақәҳаргылеит 20 шықәса раԥхьа, ҳара адунеи атәылақәа зегьы рзы ҳаартуп, европатәиқәагьы уахь иналаҵаны, аизыҟазаашьақәа рыбжьаҵара ҳазхиоуп. Иахьазы даараӡа акраҵанакуеит Аԥсны иазку аинформациа иаша аинтерес аҵаҵаны аларҵәара, ҳаргьы уи аус ҳнапы алакуп», – иҳәеит В. А. Чрыгба. Аиԥылара ахыркәшамҭаз аминистр аспелеологцәа зегь раасҭа иҵаулоу аҳаԥы аҭалараҿы ақәҿиарақәа рзеиӷьеишьеит, иахьырҭаххо аҟны ацхыраара шыҟаиҵо азы ажәагьы риҭеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21