aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрра апресс-маҵзура иҟанаҵо адырра 03.09.2013

Аԥсны Адәныҟатәи аусқәа рминистрра апресс-маҵзура иҟанаҵо адырра

Аԥсны Адәныҟатәи аусқәа рминистр Виачеслав Чрыгба инапынҵала Италиа, ақалақь Ареццо аҟны цәыббрамза 2 рзы имҩаԥысит аминистрра аусзуҩцәа Ҭенгиз Ҭарбеи Кан Ҭаниеи иҳәынҭқарратәым италиатәи ассоциациа «Рондине аҭынчра ацитадель» ахаҭарнакцәеи реиԥылара. Италиатәи аган ахьӡала иҟан: ассоциациа ахада Франко Ваккари, адәныҟатәи аимадарақәа рыҟәша аиҳабы Мауро Д’Андреа, аинформациатә ҟәша аиҳабы Франческо Сантиоли, иара убас арегионалтә муниципалитет ахаҭарнак Лука Маттиоли.

Аиԥылараҿы иазааҭгылан Италиа иатәу арегионқәа Тосканеи Трентино-Альто Адидже рҟны акультуратә усмҩаԥгатә ду «Аԥсны акультура амчыбжь Тоскана» амҩаԥгара алыршара. Уи аҳәаақәа ирҭагӡаны имҩаԥгахоит еиуеиԥшым аусхкқәа: аԥсуа сахьаҭыхыҩцәеи афотоҭыхыҩцәеи рцәыргақәҵақәа, иреиҳау ашҭақәа рҿы аԥсуа кәашаратә ансамбльқәеи жәлар рмузыка ансамбльқәеи рықәгылара уҳәа уб. иҵ.

Аҩ-ганкгьы иазгәарҭеит «Аԥсны акультура амчыбжь –Тоскана» амҩаԥгара Италиеи Аԥсныи культурала реимадара еиҳагьы ишарҭбаауа, аусеицуразгьы алшара ҿыцқәа шаԥнаҵо.

Уажәраанӡа зегь раасҭа иҭбаау проектны «Рондине» имҩаԥнагахьаз хы-шықәсатәи апроект «Кавказ аҭынчра аԥшақәа» захьӡыз акәын. Уи апроект иреиҳау алҵшәақәа рахь иаҵанакуеит: 13 бызшәа рахь еиҭаргаз, аԥсшәагьы уахь иналаҵаны, «Кавказ аҭынчра аагаразы 14 пункт» ооуп, урҭ зегьы Европарламент иаднакылеит, Аахыҵ Кавказ азы арезолиуциа аҳасабала.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21