aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистрра адырраҭара 09.09.2013

Аԥсны Аҳәынҭқарра Адәныҟатәи аусқәа рминистрра адырраҭара

Сентиабр 9 рзы Аԥсны Аҳәынҭқарра Адәныҟатәи аусқәа рминистр В. А. Чрыгба даҭааит Аԥсны иҟоу Урыстәылатәи Афедерациа Ацҳаражәырҭа авице-консул актәи имаӡаныҟәгаҩ Д.В. Вишернев дахьыршьыз аҭыԥ. Абри ашьҭахь азинмчра нагӡеи анапынҵа ҷыдақәеи зманы Аԥсны иҟоу Урыстәылатәи Афедерациа Ацҳаражәҳәаҩ С.В. Григориеви иареи аиԥылара рыман. Аминистр, иҟалаз ахҭыс, Урыстәылатәи адипломат ишьра инадҳәаланы, Ацҳаражәҳәаҩ дидашшылеит, иазгәеиҭеит ацәгьа зуз ауаа хымԥада ишаарԥшхо, рықәнагагьы ишақәыршәахо азы.

Асааҭ 16.30 минути рзы Адәныҟатәи аусқәа рминистр В.А. Чрыгбеи, Аԥыза-министр ихаҭыԥуаҩ А.В. Страничкини, Аминистр ихаҭыԥуаҩцәа О.Н. Аршбеи И.Р. Хынҭәбеи Урыстәыла иҟоу Аԥсны Ацҳаражәҳәаҩ И.М. Ахбеи иҭахаз урыстәылатәи адипломат О.В. Вишерниов иԥшәмаԥҳәыс лыхәышәтәра ахьымҩаԥысуа Аҟәатәи ареспубликатә хәышәтәырҭа иаҭааит. Ахәра зауз аԥҳәыс лгәабзиара аҭагылазаашьазы илыҿцәажәеит Ареспубликатә хәышәтәырҭа аҳақьым хада Н.А. Харчылаа. О.В. Вишерниова хы-бригадак аҳақьымцәа – атравмотологцәа, анеирохирургцәа, ахирургцәа злахәыз аоперациа лзымҩаԥыргеит. Ахәышәтәырҭа аусзуҩцәа ирылшо зегь ҟарҵоит ачымазаҩ лыԥсҭазаара аиқәырхарази анаҩстәи аиҭашьақәыргыларази.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21