aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Женеватәи адискуссиақәа рыцхантәаҩцәа рԥылара 13.09.2013

Женеватәи адискуссиақәа рыцхантәаҩцәа рԥылара

Аԥсны Аҳәынҭқарра Адәныҟатәи аусқәа рминистрраҟны имҩаԥысит Аԥсны Аҳәынҭқарра Адәныҟатәи аусқәа рминистр В.А. Чрыгбеи Аахыҵ Кавказ аҟны аҭышәынтәалареи ашәарҭадареи рзы Женеватәи адискуссиақәа рыцхантәаҩцәа Ф.Лефори (ЕС), А. Турунени (ООН), А. Дешици (ОБСЕ) реиԥылара. Женеватәи адискуссиақәа рыцхантәаҩцәа Аԥсныҟа раара адҳәалоуп изаамҭанытәины иҟоу Женеватәи адискуссиақәа рраунд аҽазыҟаҵара.

Аиԥылара аартуа аминистр иазгәеиҭеит: «иҟоуп ирацәаны азҵаарақәа – Женеватәи адискуссиақәа рҳәаақәа ирҭагӡаны зыӡбра аҭахны иҟоу. Ҳара азхаҵара ҳамоуп аиҿцәажәаратә процесс аспектқәа зегь рганахьала ҳгәаанагарақәа реимдара ҳалҳаршап ҳәа».

Аиԥылараҟны ирылацәажәан аусуратә гәыԥқәа рымшхәаштә азҵаарақәа, иара убасгьы аполитикатәи агәманитартәи зҵаарақәа. Аиԥылара анхыркәшаха ашьҭахь Ф. Лефор ажурналистцәа аинтервиу рыҭо иазгәеиҭеит: «Аиԥылара аусуратә ҟазшьа змаз, иаартыз, ажәалагалақәа рацәаны изцыз еиԥыларан. Агәрахаҵара ыҟоуп маҷ-маҷ акәзаргьы ԥхьаҟа ҳшьаҿақәа шеихааго азы. Адискуссиақәа рлахәылацәа зегь рахь ааԥхьара ҟаҳҵоит аизааибагареи хра зманы иҟоу аилацәажәарақәеи ирызкылсырц».

«Ҳара ҳалацәажәон Аԥсны атәылауаа рынеиҭаҵ-ааиҭаҵра иадҳәалоу азҵаарақәа рганахьала Европатәи Аидгыла аполитика аԥсахра шхымԥадатәиу. Арахь иаҵанакуеит авизатә политикеи Аԥсны ирыҭоу адипломқәа разхаҵареи. Иазгәаҭатәуп Женева ишымҩаԥысуа адунеитә акторцәа: Европатәи Аидгылеи, ООН-и, ОБСЕ-и аҳәынҭқарра дуқәа: Урыстәылеи Еиду Америкатә Аштатқәеи реинырра. Асеиԥш иҟоу аҭагылазаашьа, ҳинтересқәа хықәкыс иҟаҵаны, хымԥада рхархәара ахәҭаны иҟоуп.

Женеватәи аиԥыларақәа ирхықәкы хаданы иҟоуп амчра ахархәара алмыршаразы Аиқәшаҳаҭра абжьаҵара. Иахьатәи аамҭазы Қырҭтәыла асеиԥш иҟоу Аиқәшаҳаҭра анапаҵаҩра мап шацәнакуагьы сара агәра ганы сыҟоуп адунеизегьтәи ауаажәларратә еилазаара уи рнапы аҵарҩыр шакәу агәра шырхадырҵо» -ҳәа азгәеиҭеит В.А. Чрыгба ажурналистцәа данрыҿцәажәоз.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21