aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Сентиабр 21-22 рзы Адаԥазар ақалақь аҟны  имҩаԥысуан Аԥсны жәлар   Рџьынџьтәылатә еибашьраҟны Аиааира амш 20 шықәса ахыҵра иадҳәалаз   ауснагӡатәқәа 24.09.2013

Сентиабр 21-22 рзы Адаԥазар ақалақь аҟны имҩаԥысуан Аԥсны жәлар Рџьынџьтәылатә еибашьраҟны Аиааира амш 20 шықәса ахыҵра иадҳәалаз ауснагӡатәқәа

Сентиабр 21-22 рзы Адаԥазар ақалақь аҟны имҩаԥысуан Аԥсны жәлар Рџьынџьтәылатә еибашьраҟны Аиааира амш 20 шықәса ахыҵра иадҳәалаз ауснагӡатәқәа. Урҭ ирылахәын Аԥсны Жәлар Реизара адепутатцәа Дмитри Гәынбеи Ахра Ԥачлиеи, Аԥсны Аҳәынҭқарра Адәныҟатәи аусқәа рминистрра Ҭырқәтәылеи Мрагылара Ааигәеи рыҟәша аиҳабы инапынҵақәа назыгӡо Алиас Асабуеи Аԥсны Аҳәынҭқарра арепатриациаз афонд адиректор Џьон Смыри.

Сентиабр 21 азы Сҭампыл, Ҭырқәтәыла иҟоу Аԥсуа культуратә центрқәа Рфедерациа еиҿнакааит адкылара. Арахь иааԥхьан Ҭырқәтәылатәи Ареспубликаҟны иҟоу Урыстәылатәи Афедерациа аконсул актәи ихаҭыԥуаҩ Александр Хапилов, Сҭампыл ақалақь аҟны иҟоу Боливариантәи Ареспублика Венесуела аконсул Оскар Алехандро Гуедез Секура, Ҭырқәтәылатәи Ареспубликаҟны иҟоу Никарагуатәи Ареспублика ҳаҭыр зқәу аконсул Ондер Иуджер, Ҭырқәтәылатәи Ареспублика апарламент адепутатцәа. Ахәылԥаз ааиртит Аԥсны Аҳәынҭқарра Ахаҭарнак Владимир Аҩӡба. Иара еизаз зегьы ҭабуп ҳәа раҳәо ирыдиныҳәалеит Аиааира амшныҳәа, инаҵшьны иазгәеиҭеит аԥсуа жәлар рзы ари аныҳәа иамоу аҵакы. Иқәгылан ажәахәқәа ҟарҵеит ааԥхьара змаз аӡәырҩы.

Аԥсны Аҳәынҭқарра Адәныҟатәи аусқәа рминистрра ахаҭарнак аминистр В.А. Чрыгба инашьҭымҭа даԥхьеит.

Сентиабр 22 рзы Адаԥазар еиҿкаан аҽырыҩрақәеи аныҳәатә концерти. Аконцерт иалахәын аҭыԥантәи акәашаратә ансамбльқәеи Аԥснытәи ашәаҳәаҩ Ерик Миқааи. Аныҳәа рхы аладырхәит Ҭырқәтәыла инхо ҳацтәылауаа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21