aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

04.10.2013

Боливариантәи Ареспублика Венесуела аделегациа рԥылара

Аԥсны Аҳәынҭқарра Адәныҟатәи аусқәа рминистрраҟны октиабр 4 рзы имҩаԥысит Адәныҟатәи аусқәа рминистр ихаҭыԥуаҩ Ираклии Хынҭәбеи Боливариантәи Ареспублика Венесуела аделегациа алахәылацәа Марко Хили Мариа Габриела Руиси реиԥылара. Аиԥылара иалахәын Акультура аминистр ихаҭыԥуаҩ Динара Смыри Адәныҟатәи аусқәа рминистрра Латынтәи Америкеи, Азиеи, Африкеи, Азиа-Аокеан ҭынч арегионқәеи рыҟәша анапхгаҩы Мадина Зыхәбеи.

И. Хынҭәба асасцәа аԥсшәа раҳәо ҭабуп ҳәа реиҳәеит Аиааиреи Ахьыԥшымреи 20 шықәса рхыҵра ҳадырныҳәаларц иахьааз. «Венесуела ҳара ҩызаратә тәыланы иаҳшьоит. Иҳаԥхьаӡоит Аԥсни Аахыҵ Уаԥстәылеи разхаҵаразы ашьаҿа ӷәӷәа зуызтәыланы. Ҳтәылақәа рыбжьара иҟоу аизыҟазаашьақәа ҳаҭыр рықәаҳҵоит, ԥхьаҟагьы урҭ еиҳагьы иӷәӷәахап ҳәа агәаанагара ҳамоуп», - иҳәеит И. Хынҭәба.

«Урыстәылатәи Афедерациаҟны иҟоу Венесуелатәи Ареспублика Ацҳаражәҳәаҩ ихьӡала ҭабуп ҳәа шәаҳҳәарц ҳҭахуп иҟашәҵаз асасдкыларазы», - иҳәеит М. Хиль. Асасцәа Аԥснытәи Аҳәынҭқарратә Университет аҟны аректор Алеко Гәарамиеи дареи аиԥылара рыман. Аделегациа алахәылацәа араҟа астудентцәа рзы «Акультура аусхк аҿиараҟны Боливариантәи ареволиуциа ақәҿиарақәа» атемала алекциа иаԥхьеит. «Ҳара Аԥснытәи Аҳәынҭқарратә Университет аҟны алекциа ҳаԥхьеит. Гәахәарангьы иҳауит астудентцәа рыҩныҵҟа аиспан бызшәа бзианы издыруа ахьыҟоуи урҭ Венесуела аганахьала аинтерес ахьрымоуи», - азгәеиҭеит М. Хиль.

Аԥсны Аҳәынҭқарра Адәныҟатәи аусқәа рминистрраҟны имҩаԥысыз аиԥылараан ирылацәажәан акультуреи аҵареи русхк аҟны аусеицура аҿиаразы ажәалагалақәа. Адәныҟатәи аусқәа рминистр ихаҭыԥуаҩ иазгәеиҭеит Каракастәи Адипломатиатә Академиаҟны аԥсуа студентцәа аҵара дырҵара аус еиҵыххар, уи аҵак ду аманы ишыҟало. «Ҳминистр В. Чрыгба изныкымкәа иазгәеиҭахьеит Венесуела иҟоу Ацҳаражәҳәарҭа апрофессионалтә кадырқәа рыла ишхарҭәаатәу», - иҳәеит И. Хынҭәба. Акультура аминистр Динара Смыр илҳәеит акультура аганахьала аусеицура аминистрра еснагь ишазыхиоу. «Ҳара ҳкультуреи ҳҟазареи акыр иҵаулоуп, иҳамоуп ишәҳарбаша, ишәыдаагалаша. Ҳколлективқәа лассы-лассы аҳәаанырцәҟа ицоит, аԥхьахәқәагьы акырынтә иааргахьеит. Агәра згоит аԥсуа әхаԥшҩы изы шәара шәкультура аинтерес шаҵоу аиԥш ҳара ҳкультурагьы шәара шәзы аинтерес аҵалап ҳәа», - азгәалҭеит Д. Смыр.

Аиԥылара алахәылацәа азнеиит акультура аусхк аҟны аусеицуразы аиқәшаҳаҭра апроект азырхиара аҭахны ишыҟоу.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21