aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Еидҵоу амилаҭқәа реилазаара аҳәаақәҵаҩ Нильс Скотт иԥылара иазкны 21.10.2013

Еидҵоу амилаҭқәа реилазаара аҳәаақәҵаҩ Нильс Скотт иԥылара иазкны

Жьҭаарамза 21 рзы Аԥсны Адәныҟатәи аусқәа рминистрраҿы имҩаԥысит аминистр ихаҭыԥуаҩ Иракли Хынҭәбеи Еидҵоу амилаҭқәа реилазаара арегионалтә ҳәаақәҵаҩ Нильс Скотти реиԥылара. Аиԥылара рхы аладырхәит иара убас Адәныҟатәи аусқәа рминистр ихаҭыԥуаҩ Олег Аршба, Европеи, Еиду Америкатә штатқәеи, Канадеи рыҟәша ареферент еиҳабы Кан Ҭаниа, Аполитикатә ҟәша ареферент Наала Аҩӡԥҳа.

Н. Скотт уажә дызхагылоу амаҵураҿы Џь. Макголдрик диԥсахит ҳазҭоу ашықәс цәыббрамзазы. Аиԥылараҿы ирзааҭгылеит Аԥсны иҟоу аилазаара ахаҭарнакрақәа русура ахырхарҭа хадақәа. И. Хынҭәба ишазгәеиҭаз ала, Едҵоу амилаҭқәа реилазаара ахаҭарнакрақәа русураҿы аиҭакра бзиақәа ҟалеит, урҭ зыбзоуроугьы русура агуманитартә ҟазшьа иамаз аҟынтә аҿиара программақәа рынагӡарахь иахьиасыз ауп. Аха, ус шакәугьы, асоциал-економикатә инфраструктура аҿиарахьы акапиатлтә инвестициақәа рынагӡараҿы ашьаҿақәа макьана иҟаҵам. Нильс Скотт иазгәеиҭеит Едҵоу амилаҭқәа реилазаара ахаҭарнакрақәа русура Аԥсны Адәныҟатәи аусқәа рминистрра иадыруа, иҳәаақәнаҵо ишымҩаԥгалатәу. Аиԥылараҿы иазааҭгылеит иара убас Аахыҵ Кавказ аҭынчреи аҭышәынтәалареи рзы анаҩстәи Женеватәи аиҿцәажәарақәа рҟны амшхәаԥштә азҵаарақәа ргуманитартә аспект.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21