aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Ауаажәларратә сектор аиҿкаарақәа рхаҭарнакцәа рԥылара иазкны 18.10.2013

Ауаажәларратә сектор аиҿкаарақәа рхаҭарнакцәа рԥылара иазкны

Жьҭаарамза 18 рзы Аԥсны Адәныҟатәи аусқәа рминистр ихаҭыԥуаҩ Иракли Хынҭәба дырԥылеит иҳәынҭқарратәым аԥсуа еиҿкаарақәа рхаҭарнакцәа Асида Ломиа, Алиона Кувичко, Лиудмила Саӷариа. Урҭ ахҩык Аԥсны ахьӡала рхы аладырхәит Европа иҟоу ашәарҭадареи аусеицуреи рзы аилазаара (ОБСЕ) имҩаԥнаго есышықәсатәи Афорум «Ауаҩытәыҩсатә ҿиаразы аусхкқәа рынагӡара», цәыббрамза 23 инаркны жьҭаарамза 4 рҟынӡа Варшава ақалақь аҟны имҩаԥысуаз. Аиԥылара рхы аладырхәит иара убас Европеи, Еиду Америкатә штатқәеи, Канадеи рыҟәша аиҳабы Артур Гагәлиа, Аинформациа аҟәша аиҳабы Ҭенгиз Ҭарба.

Аиԥылара алахәцәа Афорум аҵаки уи алыҵшәақәеи ирылацәажәеит, насгьы иазгәарҭеит ас еиԥш иҟоу жәларбжьаратәи аусмҩаԥгатәқәа рҟны Аԥсны ахаҭарнакцәа еиҳа хыԥхьаӡара рацәала иалахәзар шыбзиоу. Афорум аҳәаақәа ирҭагӡаны Аԥснытәи алахәцәа иактуалтәу атемақәа рыла ажәахәқәа 10 ҟарҵеит: Аԥсны адеизолиациеи уи ауааԥсыра рыахәҭоу жәларбжьаратәи рзинқәа рышьақәырӷәӷәареи, Аԥсны аганахьала «импыҵахалоу аҵакырадгьыл» ҳәа ахархәара алмыршара, Аԥсны ауаҩытәыҩса изин ахьчараҿы ауаажәларра иааныркыло аҭыԥ уҳәа егьырҭгьы. Ақәгыларақәа англыз бызшәала имҩаԥысуан.

«Ари Афорум – агуманитартә зҵаарақәа рылацәажәаразы иреиҳаӡоу жәларбжьаратәи еиҿкаароуп. Хақәиҭрала аиҭнеиааиреи, адеизолиациеи, Аԥсны атәылауаа рзинқәа рыхьчареи ирызку азҵаарақәа Женеватәи аиҿцәажәарақәа рҿы Аԥснытәи аган еснагь ицәырнаго иреиуоуп. Ауаажәларра рхаҭарнакцәагьы арҭ азҵаарақәа рганахьала дара рхатә гәаанагара рымазар ауеит, аха уи Аԥсны адунеи аҿы аӡыргара иацхраауеит ауп, иаԥырхагаӡам. Ари – аспект рацәеи ахырхарҭа рацәеи змоу усуроуп, араҟа амчқәа реилаҵара акраҵанакуеит», – иҳәеит Иракли Хынҭәба. Аԥснытәи активистцәа ражәахәқәа аинтерес ду рызцәырыргеит афорум иалахәыз егьырҭ атәылақәа рхаҭарнакцәа. Урҭ рахьтә аӡәырҩы ажәахәқәа ртекстқәа ирыҳәон, ҭынч еиҭарыԥхьаразы. «Афорум аҿы шәусура ахә ҳаракны ишьатәуп», – ҳәа азгәеиҭеит И. Хынҭәба, аиԥылара хыркәшауа.

Аԥснытәи алахәцәа рықәгыларақәа ишеибгоу шәрыԥхьар ҟалоит ОБСЕ аофициалтә саит аҟны, иара убас абри аҭыӡҭала: http://allsmediamonitoring.blogspot.ru


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21