aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аахыҵ Кавказ аҭынчреи аҭышәныртәалареи рзы 25-тәи Жәларбжьаратәи Женеватәи аиҿцәажәарақәа рылҵшәақәа ирызкны Аԥсны Адәныҟатәи аусқәа рминистрра иҟанаҵо адырра 07.11.2013

Аахыҵ Кавказ аҭынчреи аҭышәныртәалареи рзы 25-тәи Жәларбжьаратәи Женеватәи аиҿцәажәарақәа рылҵшәақәа ирызкны Аԥсны Адәныҟатәи аусқәа рминистрра иҟанаҵо адырра

Абҵарамза 5-6 рзы Женева имҩаԥысит Аахыҵ Кавказ аҭынчреи аҭышәныртәалареи рзы 25-тәи Жәларбжьаратәи Женеватәи аиҿцәажәарақәа. Евроеидгылеи, Еидҵоу амилаҭқәа реилазаареи, ашәарҭадареи аусеицуреи рзы Европа иҟоу аилазаареи (ОБСЕ) еиҿыркаауа аиҿцәажәарақәа ирылахәын Аԥсны, Аахыҵ Уаԥстәыла, Урыстәыла, Қырҭтәыла, Еиду Америкатә Штатқәа рҟынтә аделегациақәа. Аԥсны адәныҟатәи аусқәа рминистр В. А. Чрыгба напхгара зиҭоз аԥсуа делегациа иалахәын адипломатцәа Лаша Аҩӡба, Кан Ҭаниа, Ҭенгиз Ҭарба, иара убасгьы Жәлар Реизара адепутат Валери Агрба.

Аиҿцәажәара ишаԥу еиԥш ҩ-усуратә гәыԥк рҟны имҩаԥысуан – ашәарҭадара азҵаарақәеи, агуманитартә тематикеи ҳәа еихшаны. Аусуратә мшы аҩбатәи азбжазы аҩ-гәыԥкгьы аус еицыруан.

Аиԥылара алҵшәақәа дырзааҭгыло В. А. Чрыгба иазгәеиҭеит қырҭтәылатәи аган ахара адҵарақәа иаарҟәаҵны конструктивтә шьаҭала аиҿцәажәарақәа ирызнеир шаҭахым. Қырҭтәылатәи аиҳабыра ҿыц ахаҭарнакцәа баша аамҭа агара иашьҭоуп ҳәа агәаанагара узцәырҵуеит. Уаанӡатәи рхада Саакашьвили идиктат аныҟам аҿыц ҭагылазаашьаҿы рхы шымҩаԥыргаша рзымдыруашәа, Женева иззааиз рзеилымкаауашәа иҟоуп.

Аԥснытәи, урыстәылатәи аахыҵуаԥстәылатәи алахәцәа рганахьалеи аицхантәаҩцәа рганахьалеи егьа ҽазышәара ҟарҵазаргьы, қырҭтәылатәи алахәцәа изакәызаалак шьаҿакгьы ԥхьаҟа иҟарымҵеит. Убас еиԥш акрызҵазкуа шьаҿаны иҟалар ауан Женеватәи аиҿцәажәарақәа рылахәцәа зегьы аполитикатә проблемақәа рыӡбараан амч ахамырхәаразы еицрыдыркыло аҳәамҭа. Аха қырҭтәылатәи аган ҩаԥхьа иазхиамхеит уи аҳәамҭа атекст алацәажәара, убри аҟнытә алацәажәара анаҩстәи аиҿцәажәарақәа рахь ииаган.

Аԥснытәи аделегациа аиҳабы иазгәеиҭеит, аԥсуа ган есымша ишьҭнахуа Аԥсны атәылауаа рдеизолиациа иазку азҵаарақәа Евроеидгыла хьаԥшрада иннажьыр шамуа. Абраҟа аинтерес амоуп Еиду Америкатә Штатқәа рделегациа аиҳабы иҟаиҵаз аҳәамҭа, Аԥсныи Аахыҵ Уаԥстәылеи ртәылауаа урыстәылатәи атәылауаҩшәҟәқәа змоу рзы америкатә виза роурц азы аԥынгылақәа зегьы шамху, Евроеидгыла акәзар – макьана ари апозициа акырӡа иацәыхароуп, Аԥсны адунеи аҟәыҭхаразы Қырҭтәыла имҩаԥнаго аполитика еиҳа иадгылоит. В. Чрыгба даҽазныкгьы иазгәеиҭеит Аԥснытәи аган Қырҭәыла аделегациа алахәцәа зегьы қыртҭтәылатәи аган мацара аазырԥшуа реиԥш ишрыхәаԥшуа. Аԥсназы қырҭтәылатәи аделегациа алахәцәа рхы ишашьҭоу акагь аанагаӡом.

Аԥснытәи аган шазыхиоу аанарԥшит ашәарҭарақәа раԥырҟәҟәаареи анырра рыҭареи рзы Амеханизм аҳәаақәа ирҭагӡаны Галтәи аиԥыларақәа реиҭаԥшьгара. В. Чрыгба ҩаԥхьа дазааҭгылеит уаанӡатәи аиҿцәажәарақәа раангьы изныкымкәа ишьҭырххьаз қырҭтәылатәи амаҵзура ҷыдақәа ирӷьычыз Гал араион иқәынхоз Давид Сигәуа изҵаара. Аминистр Қырҭтәыла иҟоу Евроеидгыла агәаҭаратә миссиа аиҳаб ҿыц Тоиово Клаара иахь ихы нарханы иҳәеит абри ацәгьоура ишахәҭоу еиԥш иҭырҵаарц.

Аԥсны Жәлар реизара адепутат Валери Агрба иазгәеиҭеит Аԥснытәи аделегациа ишышьақәнаргылаз атәыла ашәарҭадареи ахьыԥшымреи рзы ихымԥадатәиу азҵаарақәа рыхьчара амеханизм, аха убри аан зыҩаӡара ҳараку жәларбжьаратәи аиҿцәажәарақәа ишрыхәҭоу еиԥш адипломатиатә аамысҭашәара аарԥшуа.

Алҵшәақәа раагараҿы ауадаҩрақәа шыҟоугьы, адепутат иазгәеиҭеит Аԥсны арҭ аиҿцәажәарақәа ирылахәзарц шахәҭоу, избанзар иахьазы Женеватәи аиҿцәажәарақәа рҟны мацароуп Аԥсны Евроеидгылеи, Еидҵоу амилаҭқәа реилазаареи, ашәарҭадареи аусеицуреи рзы Европа иҟоу аилазаареи рхаҭарнакцәа рҿыԥхьа ишиашоу ахатә гәаанагара аҳәаразы алшарақәа ахьамоу, иара убри алагьы Евроеидгылеи Америкеи Аԥсныи реизыҟазаашьақәа рҿы азнеишьа ҿыц аԥшаара иацхраауеит.

Аԥснытәи аган аиҿцәажәарақәа реицхантәаҩцәа рахь ааԥхьара ҟанаҵеит ирылшо зегь ҟарҵарц анаҩстәи аиҿцәажәарақәа раан акрызҵазкуа Женеватәи аиҿцәажәарақәа рылахәцәа зегьы зықәшаҳаҭу аҳәамҭа адкыларазы. Анаҩстәи Женеватәи аиҿцәажәарақәа мҩаԥысуеит ҳазҭоу ашықәс ԥхынҷкәын 17-18 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21