aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсныи Аахыҵ Уаԥстәылеи рхьыԥшымра азхарҵаразы Италиеи Сан-Маринои рахь ааԥхьара ҟарҵеит 08.11.2013

Аԥсныи Аахыҵ Уаԥстәылеи рхьыԥшымра азхарҵаразы Италиеи Сан-Маринои рахь ааԥхьара ҟарҵеит

Рим, абҵарамза 8. /ИТАР-ТАСС акорр. Вера Шьербакова/. Аԥсныи Аахыҵ Уаԥстәылеи рхьыԥшымра азхарҵаразы Италиеи Сан-Маринои рахь ааԥхьара ҟарҵеит. Абри атәы рыларҳәеит иахьа апресс-конференциаҿы Аԥсны Адәныҟатәи аусқәа рминистр Виачеслав Чрыгбеи, Аахыҵ Уаԥстәыла Адәныҟатәи аусқәа рминистр Давид Санакоеви. Ааԥхьара иашьашәалоу аофициалтә шәҟәқәа жьҭаарамза алагамҭазы ишьҭын Италиа ахада Џьорџьо Наполитанои Сан-Марино ақаԥдан-регентцәеи рахь.

«Жәларбжьаратәи азхаҵара аиура амҩала ҳцоит, шьҭахьҟа хьаҵшьагьы ҳамаӡам», – иҳәеит Аахыҵ Уаԥстәыла Адәныҟатәи аусқәа рминистр Давид Санакоев.

В. Чрыгба ишазгәеиҭаз ала, «Евроеидгыла аҟынтә раԥхьаӡа иргыланы иаҳҭаху Қырҭтәыла ҳахәҭакны уаҳа ҳшыҟамло азхарҵар ауп».

Изаамҭанытәииз Женеватәи аиҿцәжәарақәа рҟынтә ихынҳәуаз Аԥсныи Аахыҵ Уаԥстәылеи рыдәныҟатәи аусқәа рминистрцәа Рим ақалақь аҟны иаангылеит, уа иаҭааит ауаажәларратә аԥшьгарала аус зуа раҳаҭыртә хаҭарнакрақәа.

Чрыгбеи Санакоеви ражәақәа рыла, қырҭтәылатәи аган Аԥсныи Аахыҵ Уаԥстәылеи рганахьала амч ахамырхәаразы аиқәшаҳаҭра адкылара иаԥырхагоуп. Убри аҟнытә арегион аҿы аҭышәынтәалара залыршахом, аконфликтгьы аԥыхӡам. Аха Аԥсныи Аахыҵ Уаԥстәылеи «аҭакԥхықәра аарԥшуа, аиҿцәажәарақәа рылахәхара иаҟәыҵырц ргәы иҭаӡам, Қырҭтәылагьы убасҵәҟьа ҭакԥхықәрала иазнеип ҳәа иԥшуп», – азгәарҭеит дара.

«Иахьазы Аԥсныи Аахыҵ Уаԥстәылеи ршәарҭадаразы хәдықәҵара мацарас иҟоу – Урыстәыла ҳареи иҳабжьоу жәларбжьаратәи аиқәшаҳаҭрақәа роуп, арратә цхыраарагьы уахь иналаҵаны», – ҳәа азгәеиҭеит Санакоев. Аԥсны Аҳәынҭқарреи Аахыҵ Уаԥстәылеи рхьыԥшымра азхарҵахьеит Еидҵоу амилаҭқәа реилазаара иалахәу атәылақәа хәба, Урыстәыла, Никарагуа, Венесуела уҳәа егьырҭгьы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21