aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Ԥхынҷкәынмза 18 рзы имҩаԥысуеит изаамҭанытәиу Женеватәи аиҿцәжәарақәа 18.12.2013

Ԥхынҷкәынмза 18 рзы имҩаԥысуеит изаамҭанытәиу Женеватәи аиҿцәжәарақәа

Ԥхынҷкәынмза 18 рзы имҩаԥысуеит Аахыҵ Кавказ аҭынчреи аҭышәынтәалареи рзы изаамҭанытәиу Женеватәи аиҿцәжәарақәа. Урыстәылатәи аделегациа напхгара азиуеит астатс-маӡаныҟәгаҩ, УА Адәныҟатәи аусқәа рминистр ихаҭыԥуаҩ Григори Карасин, Аԥснытәи аделегациа – Аԥсны Адәныҟатәи аусқәа рминистр ихаҭыԥуаҩ Иракли Хынҭәба, Аахыҵуаԥстәылатәи аделегациа напхгара аиҭоит аконфликт аамышьҭахьтәи аҭышәынтәаларазы Аахыҵ Уаԥстәыла Ахада азинмчра нагӡа змоу ихаҭарнак Мураҭ Џьиоев, Қырҭтәыла аганахьала – адәныҟатәи аминистр актәи ихаҭыԥуаҩ Давид Залкалиани.

Адәныҟатәи аусқәа рминистр ихаҭыԥуаҩ Иракли Хынҭәба напхгара ззиуа Аԥснытәи аделегациа иалахәуп Жәлар Реизара адепутат Дмитри Гәынба, Аԥсны Адәныҟатәи аусқәа рминистрра аусзуҩцәа, аԥсуа дипломатцәа Кан Ҭаниеи Инал Лазбеи.

Амшхәаԥштә иалоуп Аԥсны Аахыҵ Уаԥстәылеи Қырҭтәылеи дареи рҳәааҿы аҭагылазаашьеи, арегион асоциал-економикатә ҿиареи ирыдҳәалоу азҵаарақәа. Ашәарҭадара агәыԥ аҟны ишаԥу еиԥш Қырҭтәыла аганахьала амч ахамырхәара азҵаара иалацәажәоит. Уи аҵыхәала иҟоу ашәҟәқәа рыхәаԥшра иацҵахоит, Женеватәи аиҿцәажәарақәа рылахәцәа зегьы еицырзеиԥшу аҳәамҭа адкыларагьы уахь иналаҵаны. Агуманитартә гәыԥ аҟны аганқәа аинтерес ахьеицрымоу азҵаарақәа ирзааҭгылоит, аҳәаа иахьаԥну аҭыԥқәа рҿы иааныркылаз ауаа реиҭныԥсахлара, хабарда ибжьаӡыз рыԥшаара уҳәа.

«Амшхәаԥштә иалоу амч ахамырхәаразы азҵаара инаваргыланы аԥсуа делегациа аиҿцәажәарақәа рылахәцәа азхьадырԥшуеит иахьа уажәраанӡагьы Аԥсны адунеи аҟәыҭхаразы аҽазышәарақәа шаанкылам. Агуманитартәи егьырҭ еицазхаҵоу ауаҩытәыҩсатә зинқәеи реилагара шымҩаԥысуа атәы рзеиҭаҳҳәоит, жәларбжьаратәи аилазаара рганахьала иҟоу аҟәыҭхара иахырҟьаны. Аԥсны агуманитартә ҭагылазаашьаҟны акцент ҟаҵахоит, иара убасгьы Қырҭтәылеи ҳареи ҳҳәаа иаԥну аҵакырадгьылқәа рҟны ашәарҭадара ахьчара иазку аспектқәак ҳрылацәажәоит. Женеватәи аиҿцәажәарақәа рылҵшәақәа ахьмаҷу еиҳа-еиҳа ҳхаҿы ишааиуагьы, макьана ҳаԥшуп алахәцәа рҟынтә азнеишьа ҿыцқәа ҟалап ҳәа, иахәҭоу апрагматизмра аадырԥшып ҳәа, апроцедуратә зҵаарақәа рганахьалагьы», – ҳәа азгәеиҭеит Иракли Хынҭәба.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21