aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Виачеслав Чрыгбеи Џьенгиз Ашәбеи реиԥылара 11.03.2014

Виачеслав Чрыгбеи Џьенгиз Ашәбеи реиԥылара

Март 11 рзы Аԥсны Аҳәынҭқарра Адәныҟатәи аусқәа рминистрраҟны имҩаԥысит Ҭырқәтәыла иҟоу аԥсуа культуратә центрқәа Рфедерациа ахантәаҩы Џьенгиз Коч Ашәбеи Аԥсны Аҳәынҭқарра Адәныҟатәи аусқәа рминистр Виачеслав Чрыгбеи реиԥылара. Аиԥылара иара убасгьы иалахәын Афедерациа алахәылацәа Џьеилан Ахмет Хапати Атилла Сагым Ашьхарааи, Аԥсны Аҳәынҭқарра Адәныҟатәи аусқәа рминистрра Ҭырқәтәылеи Мрагылара ааигәеи рыҟәша аиҳабы Инар Гыцбеи.

Аиԥылара аартуа В. Чрыгба Џьенгиз Ашәба идиныҳәалеит Ҭырқәтәыла иҟоу аԥсуа культуратә центрқәа Рфедерациа анапхгаҩыс иҟалара, иазгәеиҭеит ԥхьаҟа аусеицура маншәала дшақәгәыӷуа. «Афедерациа аусураҟны шәара шәлагала аҵак ду шаиуеи адиаспорои аџьынџь ԥсадгьыли реинырра еиҳагьы ишыӷәӷәахои агәра згоит. Ари еицаҳзеиԥшу усны иҟоуп. Иара убасгьы ҳаицусура иарӷәӷәоит Ҭырқәтәылатәи Ареспубликеи Аԥсны Аҳәынҭқарреи реизыҟазаашьа. Уи ҳара ҳзы аҵак ду аманы иҟоуп», иазгәеиҭеит В. Чрыгба.

Ҭырқәтәыла иҟоу аԥсуа культуратә центрқәа Рфедерациа ахантәаҩы Рамазан Џьенгиз Коч Ашәба аминистр иҭабуп ҳәа иеиҳәеит имҩаԥигаз аиԥыларазы, Аԥсны ахьӡала аусура дшазыхио азгәаҭо иҳәеит: «Ҳара агәадура ду ҳнаҭоит Аԥсуа ҳәынҭқарра аҟазаара, уи ахьӡала ақәгылара, ацхыраара хьӡуп аԥсуаа зегь ҳзы», - иҳәеит иара.

Аиԥылара ахыркәшамҭаз имҩаԥыргеит Аԥсны Аҳәынҭқарра Адәныҟатәи аусқәа рминистрреи Ҭырқәтәыла иҟоу аԥсуа культуратә центрқәа Рфедерациеи рыбжьара аинырразы аплан анапаҵаҩра.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21