aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҳәынҭқарра Адәныҟатәи аусқәа рминистрра аҳәамҭа 13.03.2014

Аҳәынҭқарра Адәныҟатәи аусқәа рминистрра аҳәамҭа

2014 шықәса март 11 рзы Арсении Иацениук Аԥсны Аҳәынҭқарра аганахьала имцыз, апровакациатә ҟазшьа змаз аҳәамҭақәа ҟаиҵеит. Ииашам ахыҵхырҭақәа рҟынтәи иоуз адыррақәа дрызхьаԥшуа, иара иазгәеиҭеит – Аԥсны иҟоу аекономикатә еилаҳареи, аусура аҟамзаареи ирыхҟьаны акоррупциеи, азакәандареи, арҳәрақәеи ақәыларақәеи аҳра рымоуп ҳәа. «Абасеиԥш ҟалоит Ҟрымгьы, иара Украина аилазаара иалҵыр», ҳәа алкаа ҟаиҵеит А. Иацениук.

Ацивилизациа ахьыҟоу адунеи атәылақәа рҟны ауаҩы имдырра ацәыргара ԥхашьароуп ҳәа иԥхьаӡоуп. Аха Арсении Иацениук, бџьаршьҭыхла изакәанны жәлары иалырхыз атәыла аиҳабыра ахьахырҳәаз, нас урҭ амчрақәа иара аиҳабырахь инаргаз уаҩуп. Ара, афашизм аԥыжәара ганы амчра зымпыҵазхалаз рыгәҭаны иҟоуп Аԥсны жәлар 1992-1993ш.ш. рзы ақырҭцәа ирыдгыланы иқәызхырц зыгәҭакыз рацәаҩны. Киев, аконституциеи азакәанԥҵареи рыӷрагылара иаабац ҭагылазаашьак еиԥш иахәаԥшуеит иахьа.

Арсении Иацениук «иинформациа» акәзар Михаил Саакашвили иахьагьы ирылаирҵәо амцқәа акыр иреиԥшуп. Уи азакәхап иара, Михаил Саакашвилигьы, Украинатәи «ареволиуциатә» еиҳабыра рабжьагаҩык иаҳасабала дызрывагыло.

Абри инадҳәаланы Арсении Иацениук иаҳәазар ахәҭоуп Аԥсны Аҳәынҭқарра ишьақәгылахьоу ҳәынҭқаррак аҳасабала ахы шымҩаԥнаго, аиҳабыра ракәзар реиҿкаара азакәантә шьаҭа шамоу, зых иақәиҭу адемократиатә лхрақәа шымҩаԥысуа. Урҭ «маидан» акыр ишацәыхароу. Аԥсны Аҳәынҭқарра Урыстәылатәи Афедерациа ианазханаҵа ашьҭахь аекономика еизҳаит 13проц. Рыла, адәныҟаекономикатә еикәыршара – 300проц. Рыла, ауааԥсыра рлагала – 450проц. Ашьақәгылара иаҿуп аибашьра еиланаԥыххааз асоциалтә инфраструктура.

Аԥсны Аҳәынҭқарра есышықәса иаҭаауеит миллионла атуристцәа еиуеиԥшым атәылақәа рҟынтәи. 2013ш. рзы Аԥсны аҳәаа иахысит 7миллионк рҟынӡа ауааԥсыра.

Арсении Иацениук ииҳәалакгьы, Аԥсны аизҳа-зыӷьара иаҿу демократиатә тәылоуп. Изну амҩагьы ацәхьаҵра агәы иҭаны иҟам. Киев аиҳабыра рыхьӡала ицәажәо Арсении Иацениук иажәақәа дырхылаԥшлар ихәҭоуп. Аҳәынҭқарратә ҭыԥ ҳарак ахь инеирц зыгәҭаку ауаҩы иԥшным амц аҳәара.

Ҟрым иҟоу аҭагылазаашьа ҳазхьаԥшуа иазгәаҳҭар ҳҭахуп автономтә республика аҵакырадгьыл аҟны инхо атәылауаа азин шрымоу ԥхьаҟатәи рԥеиԥш дара ишырҭаху еиԥш аӡбара.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21