aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аахыҵ Кавказ аҟны ашәарҭадареи аҭышәынтәалареи рзы Женеватәи   адискуссиақәа 27.03.2014

Аахыҵ Кавказ аҟны ашәарҭадареи аҭышәынтәалареи рзы Женеватәи адискуссиақәа

Март 26 рзы Женева имҩаԥысит Аахыҵ Кавказ аҟны ашәарҭадареи аҭышәынтәалареи рзы Женеватәи адискуссиақәа аҩажәибыжьбатәи раунд.

Аԥсны Аҳәынҭқарра Адәныҟатәи аусқәа рминистр Виачеслав Чрыгба хадас дызмоу аԥсуа делегациа иалахәуп Жәлар реизара адепутат Даур Аршба, Аԥсны Аҳәынҭқарра Адәныҟатәи аусқәа рминистрра аусуҩцәа Кан Ҭаниа, Ҭенгиз Ҭарба, Инал Лазба. Аиҿцәажәарақәа иара убасгьы ирылахәуп Аахыҵ Уаԥстәыла, Урыстәылатәи Афедерациа, Қырҭтәыла, США, ООН, ОБСЕ, ЕС рхаҭарнакцәа.

Аусура мҩаԥысуеит ҩ-усутә гәыԥк рҟны. Актәи агәыԥ алацәажәон амчра ахамырхәаразы азҵаара. Уажәгьы уаанӡеиԥш аганқәа иаку лкаак ҟарымҵеит. Аԥсуа делегациа ахада еиҭах Аԥсны атәылауаа рзы аҵак ду зманы иҟоу азҵаарақәа – аҵараз адокументқәа разхаҵара, анеи-ааиразы аԥкырақәа иҟоу у.у.е. цәыригеит. Иара убасгьы аԥсуа делегациеи ООН ахаҭарнакцәеи аконсультациатә ҟазшьа змаз аиԥыларақәа мҩаԥыргеит. Агуманитартә зҵаарақәа рганахьала аус зуаз агәыԥ хабарда ибжьаӡны иҟоу рызҵаара иалацәажәон.

Иара убасгьы ишьҭыхын азҵаара акультуратә ҭынхақәеи архивтә материалқәеи рырхынҳәразы. Аԥсуа делегациа ирҳәеит адунеижәларбжьаратә еилазаара аганахьала Аԥсны ауааԥсыра ргуманитартә зинқәа шыркьаҿу, уи иахҟьаны ишеилагоу урҭ руаҩытәыҩсатә зинқәа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21