aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистрра акомментариақәа 15.04.2014

Аԥсны Аҳәынҭқарра Адәныҟатәи аусқәа рминистрра акомментариақәа

Аԥсны Аҳәынҭқарра Адәныҟатәи аусқәа рминистрраҟны апрель 10 рзы Европатәи Ахеилак Апарламенттә Ассамблеиа (ПАСЕ) абжьагаратә резолиуциа акомментариақәа азыруит.

«Агәра аагоит ирыдкылоу арезолиуциа апропогандатә ҟазшьа аманы ишыҟоу, урыстәылатәи аделегациа акритика азура ишазырхоу, убри аҟынтә ҳазааҭгылар ҳҭахуп ари адокумент а-10-тәи апункт, зыҟны ПАСЕ Аԥсни Аахыҵ Уаԥстәылеи Урыстәыла аганахьала аокуппациа рызуп ҳәа агәҭыха рыманы иахьалацәажәо.

Иҳәо аиашамра еилкаауп, аха апункт арезолиуциа атекст риашарак аҳасабала ишаларгалаз уаназхәыцлак, уи абжьагара назышьҭыз Қырҭтәылатәи аделегациа шакәугьы аназгәоуҭалак, еилумкаарц залшом иахьатәи аамҭазы «Урыстәыла аҿагыларатә истериа» иамҽханакны иамоу европатәи афорум ацхыраарала Қырҭтәыла иара ахатәы проблемақәа рыӡбра гәҭакыс ишамоу.

Европатәи Ахеилак Амониторингтә миссиа Аԥсны аҵакырадгьыл ахь инарышьҭуам ҳәа иазгәаҭо адырра адокументқәа рымдырроуп иаанаго. Избанзар – Д. Медведеви Н. Саркози рнапы зҵарҩыз «Аконфликтқәа рҭышәныртәалара апринципқәа фба Рыплан» аҟны ишҳәо «европатәи агәаҭаҩцәа Аԥсни Аахыҵ Уаԥстәылеи ирыԥну аҭыԥқәа рахь инашьҭызар алшоит» ҳәоуп, уи иаанагом Аԥсни Аахыҵ Уаԥстәылеи рҵакырадгьылқәа рахь инашьҭтәуп ҳәа.

Иналкаан иазгәоумҭар залшом ирыдкылоу «аетникатә рыцқьара» атермин ариашара атекст аҟны иаанаго Аԥсны аҵакырадгьыл аҟынтәи ақырҭуа уааԥсыра рыхәҭак рықәҵра шакәу.

Убри инадҳәаланы иазгәаҳҭоит 1992-1993ш.ш. рзтәи Аџьынџьтәылатә еибашьра ашьҭахь Қырҭтәылеи иара адгылаҩцәеи Аԥсуа ган аетникатә рыцқьара еиҿызкааз роуп ҳәа адыргақәҵа ҟарҵарц ишаҿызгьы иарбанызаалак ООН адокументқәа рҟны усоуп ҳәа официала ишарбам. Аԥсны аетникатә рыцқьара амҩаԥгара афакт шыҟам арбоуп ООН Ауаҩытәыҩса изинқәа рофис ажәахә адоклад аматериалқәа рҟны.

Угәы иалымсырц залшом адунеижәларбжьаратә еилазаара Қырҭтәыла аибашьра ахьхацнаркыз иақәмыӡбаз, уи адагьы Аԥсныҟа зықьҩыла ақырҭуа уааԥсыра рырхынҳәразы Аԥсуа ган аӡбрақәа ҽмырба ахьырзыруыз.

Хыхь иарбоу азыԥхьагәаҭо иҳамҳәарц залшом ПАСЕ адунеижәларбжьаратә еизыҟазаашьақәа реимабзиара иацхраауа механизмк аҳасабала иамаз ахықәкқәа ацәыӡа ишалагаз, убри инадҳәалангьы аҳәынҭқарраҩныҵҟатәии адунеижәларбжьаратәии практикаҟны иҟанаҵо абжьагаратә ӡбарақәа рҵакы шылаҟәуа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21