aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

09.05.2014

Аԥсны Аҳәынҭқарра Адәныҟатәи аусқәа рминистрра акомментариақәа

Аԥсуа-абазатә дунеижәларбжьаратә ассоциациа ахада Тарас Мирон-иԥа Шамба «Вестник Кавказа» аинтернет-портал маи 8 рзы иеиҭаз аинтервиу аҟны иҳәамҭақәа аџьшьара узцәыррымгарц залшом.

Аԥсны Аҳәынҭқарра ԥхьаҟатәи аԥеиԥш азҵаара далацәажәо Т. Шамба иазгәеиҭеит «иахьа уажәраанӡагьы Аԥсны астатус шьақәыргыланы ишыҟам». Абри инадҳәаланы ицәырҵуеит азҵаара: Аԥсны Аҳәынҭқарра аконституциеи, аҳәынҭқарратә хьыԥшымразы Акти, 1999 шықәсазтәи ареферендум алкаақәеи ӡәыр иаԥиххьоума?

Т. Шамба ибзианы идыруазароуп Аԥсны астатус азҵаара лацәажәара аманы ишыҟам.

Урыстәылеи Аԥсни рыбжьара анапы аҵаҩуп Аиҩызареи аусеицуреи рзы Аиқәшаҳаҭра, еиуеиԥшым аусхкқәа рганахьала84 инареиҳаны документ, иазырхиоуп иара убасгьы аҵак ду зманы иҟоу егьырҭ адокументқәагьы.

Урыстәыла-Аԥснытәи аусеицура хра аманы аларҵәара мҩаԥысуеит. Иаҵшьны иазгәаҭатәуп, Урыстәылатәи Афедерациа Аԥсны Аҳәынҭқарра астатус аганахьала гәыҩбара аманы ишыҟам, убри инамаданы Т. Шамба Аԥсны ԥхьаҟатәи аԥеиԥш аганахьала имоу агәыҩбарақәа ҭыԥ рыманы иҟам. Урыстәыла ацхыраарала Аԥсны аҳәынҭқарра арӷәӷәара иаҿуп, изну амҩагьы иацәхьаҵраны иҟам. Абри аганахьала аӡәгьы гәҭынчымра иоурангьы иҟамзароуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21