aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҟны Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи «Аҧсныи Аахыҵ Уаҧстәылеи рганахьала «ампыҵахалара», «импыҵахалоу аҵакырадгьылқәа» ҳәа атерминқәа рхархәара шзинтәым а 11.06.2012

Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҟны Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи «Аҧсныи Аахыҵ Уаҧстәылеи рганахьала «ампыҵахалара», «импыҵахалоу аҵакырадгьылқәа» ҳәа атерминқәа рхархәара шзинтәым а

Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи иазгәарҭоит Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа 20-тәи рраунд аҳәаақәа ирҭагӡаны имҩаҧысыз аилацәажәара

Аҧсныи Аахыҵ Уаҧстәылеи рганахьала «ампыҵахалара», «импыҵахалоу аҵакырадгьылқәа» ҳәа атерминқәа рхархәара жәларбжьаратәи азин аҧҟарақәеи апринципқәеи ишрықәымшәо.

Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи ишәгәаладыршәоит, нанҳәамза 2008 шықәсазы М. Саакашвили ирежим бџьаршьҭыхла Аахыҵ Уаҧстәыла ишақәлаз, уи амшала шәҩыла ауааҧсыра ҭахеит, жәларбжьаратәи амандат инақәыршәаны усҟантәи аамҭазы Аахыҵ Уаҧстәыла иҟаз урыстәылатәи абжьаҟазаҩцәагьы уахь иналаҵаны.

Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи агәынаӡара роуит, Женеватәи апроцесс иалахәу зегьыҵәҟьа «ампыҵахалара» атермин ахархәаразы еицҿакны акаҿы ишымааицгьы, жәларбжьаратәи азин азы аспециалистцәа аларахәны имҩаҧыргоз ганрацәалатәи аилацәажәрақәа иаадырҧшит: Аҧсны Аҳәыҭқарреи Ареспублика Аахыҵ Уаҧстәылеи рҵакырадгьылқәа рҟны урыстәылатәи арбџьармчқәа рыҟазаара «ампыҵахалара» аҳасабала рыхәаҧшра шиашам, аҳәынҭқаррақәагьы «аоккупациа иҭаку» реиҧш рыҧхьаӡара шыҟамло.

Аоккупациа мамзаргьы ампыҵахалара арежим ҵакыс иамоуп ҳәынҭқаррак арбџьармчқәа рыла егьи аҳәынҭқарра аҵакырадгьыли ауааҧсыреи аеффективтә хылаҧшра рзура. «Аеффективтә хылаҧшра» ҳәа жәларбжьаратәи агуманитартә зин аҟны изышьҭоу ампыҵахаларатә арбџьармчқәа административтә, аполициатә функциақәа анынарыгӡо ауп, иара убасгьы аҭыпантәи ауааҧсыра рзы ихымҧадатәиу анормативтә актқәа рҭыжьра. Ихадароу акритериқәа рахь иаҵанакуеит иара убас, ампыҵахаларатә мчқәа, ахылаҧшра иашаҵәҟьа рылшартә еиҧш, аҵакырадгьыл зегьы аҟны рыҟазаара.

Аҧсныи Аахыҵ Уаҧстәылеи рҵакырадгьылқәа рҟны урыстәылатәи аруаа рыҟазаара хыхь иарбоу акритериқәа акгьы ирықәшәаӡом. Урыстәылатәи аррамаҵзуҩцәа дара рырратә базақәа рҟны мацароуп иахьыҟоу, аҭыҧантәи ауааҧсыра рыҧстазаара рҽаладырхәӡом, изакәызаалак азинтә усҧҟақәа аҧырҵаӡом, иарбанзаалак аполициатә, административтә функциақәагьы нарыгӡом. Абас ала, Аҧсныи Аахыҵ Уаҧстәылеи иҟоу урыстәылатәи арбџьармчқәа «ампыҵахаларатә арбџьармчқәа» ҳәа иузыҧхьаӡом. Иара ампыҵахаларатә режим ҳәа азеиҧш жәларбжьаратәи азини, жәларбжьаратәи агуманитартә зини рҵакала иззырҳәо ара иҟам. Аҧсны Аҳәынҭқарреи Ареспублика Аахыҵ Уаҧстәылеи рҵакырадгьылқәа рҿы аеффективтә хылаҧшра шеибгоу зегьы мҩаҧыргоит дара закәанла иалырхыз амчрақәа. 2009, 2011, 2012 шықәсқәа рзы Аҧсныи Аахыҵ Уаҧстәылеи имҩаҧгаз апарламенти Аҳәынҭқарра Ахадеи ралхрақәа ишьақәдырӷәӷәеит аҩ-ҳәынҭқаррак рҟны алхратә процессқәа демократиала, закәанла ишымҩаҧысыз, ари азгәарҭеит урҭ ирылахәыз жәларбжьаратәи анаҧшыҩцәагьы.

Инаҵшьны иазгәаҭатәуп, 2008 шықәсазы ихьыҧшым ҳәынҭқаррақәаны Аҧсныи Аахыҵ Уаҧстәылеи разхаҵара ҟалаанӡагьы, Аҟәеи Цхинвали рҳәынҭқаррақәа рҵакырадгьылқәеи руааҧсырақәеи еффективлатәи ахылаҧшра шрырҭоз. Урыстәылатәи арратә базақәа арҭ аҳәынҭқаррақәа рҟны рааира ари аҭагылазаашьа акала анырра анамҭеит. Дара арратә базақәа Аҧсныи Аахыҵ Уаҧстәылеи рыҟазаара шьаҭас иамоуп Урыстәылеи арҭ аҳәынҭқаррақәеи рыбжьара знапаҵаҩу аиқәшаҳаҭрақәа.

Ақырҭуа мчрақәа рҭаххарала «ампыҵахаларатә ҵакырадгьылқәа» ҳәа атермин мчыла аларҵәара апропагандатә ҽазҵәылхроуп уаҳа акгьы. Иахьа Аахыҵ Кавказ ишьақәгыланы иҟоу аполитикатә ҭагылазаашьеи иареи ирзеилоу ҳәа акымзарак ыҟам, хықәкысгьы иамоуп адунеи атәылақәа ржьара. Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи Женева имҩаҧысыз агәаанагарақәа реибыҳәара ашьҭахь жәларбжьаратәи азин иаҵанакуа асубиектқәа зегь рахь ааҧхьара ҟарҵоит, шьҭарнахыс Аҧсныи Аахыҵ Уаҧстәылеи иҟоу урыстәылатәи арбџьармчқәа рганахьала «ампыҵахалара» атермин ахархәара ааныркыларц, иара убас азингьы афактқәагьы ирықәымшәо иарбанзаалак егьырҭ атерминқәа рхархәарагьы.

Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи агәыӷра аадырҧшуеит ари абжьгара ишақәныҟәо Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҟны рколлегацәагьы – ас ианыҟала ари жәларбжьаратәи аиҿцәажәаратә формат аусура акырӡа иманшәалахоит.

Женева, рашәарамза 8, 2012 шықәса


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21