aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

13.06.2012

Рашәарамза 13 Аҧсны Адәныҟатәи аусқәа рминистр ихаҭыҧуаҩ Иракли Хынҭәба ақалақь Нижни Новгород аҟынтәи аделегациа идикылеит

Рашәарамза 13 Аҧсны Адәныҟатәи аусқәа рминистр ихаҭыҧуаҩ Иракли Хынҭәба ақалақь Нижни Новгород аҟынтәи аделегациа идикылеит. Аделегациа иалахәын Нижни Новгород иҟоу аҳаҭыр зқәу Аҧсны Аҳәынҭқарра ацҳаражәҳәаҩ В. Литвинчук, Лобачевски ихьӡ зху Нижегородтәи аҳәынҭқарратә университет аректор ицхырааҩ А. Ушаков, Нижегородтәи аобласт Ауаажәларратә палата аҿар рыпроблемақәа рзы акомиссиа ахантәаҩы Е. Чуманкина, иара убас агазеҭ «Новое дело» аредактор хада ихаҭыҧуаҩ В. Андриухин.

Аиҧылараҿы ирзааҭгылан аҵарадырреи аҿартә политикеи русхкқәа рҟны аусеицура азҵаарақәа. Е. Чуманкина Адәныҟатәи аусқәа рминистр ихаҭыҧуаҩ изеиҭалҳәеит жьҭаарамзазы имҩаҧысран иҟоу астудентцәа рконгресс “Интердиалог: АԤСНЫ. SU” аиҿкаашьа шцо. Афорум аусура рхы аладырхәуеит Аҧсныи, Урыстәылеи, Европатәи атәылақәеи рҟынтә аҿар, насгьы аҧсуа диаспора ахаҭарнакцәа. Аҿар рконгресс аҳәаақәа ирҭагӡаны иазҧхьагәаҭоуп аинтернационалтә еиҩызара арӷәӷәареи, еиуеиҧшым акультурақәеи аҳәынҭқаррақәеи рхаҭарнакцәа рыбжьара аилибакаара арҵаулареи ирызку аҭҵаарадырратә, арҵаратә, акультуратә усмҩаҧгатәқәа рынагӡара. Иракли Хынҭәба асасцәа ажәа риҭеит Аконгресс аиҿкаараҿы ицәырҵуа азҵаарақәа рыӡбараан Адәныҟатәи аусқәа рминистрра аганахьала ацхыраара шыҟаиҵо.

Лобачевски ихьӡ зху Нижегородтәи аҳәынҭқарратә университет аректор ицхырааҩи аминистр ихаҭыҧуаҩи Аҧсныи ари ауниверситети рыбжьара аусеицура ахырхарҭақәеи аформақәеи ирызку аконкреттә зҵаарақәа ирылацәажәеит. Нижегородтәи ауниверситет Урыстәыла иреиӷьӡоу ауниверситетқәа жәаба рхыҧхьаӡараҿы иҟоуп, шьҭарнахыс иара ашәқәа аартуп Аҧснынтәи абитуриентцәеи, аҵарауааи рзы. Иракли Хынҭәба ҧхьаҟагьы аусеицура инҭкааны алацәажәара дшазыхиоу ааирҧшит.

Аҵыхәтәаны Аҧсны Адәныҟатәи аусқәа рминистр ихаҭыҧуаҩ Иракли Хынҭәба Аҧсны адәныҟатәи аполитика азҵаарақәа рзы Нижегородтәи агазеҭ «Новое дело» аинтервиу аиҭеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21