aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Адипломатцәа ҿарацәа рконференциа 20.05.2014

Адипломатцәа ҿарацәа рконференциа

Лаҵарамза 20 рзы имҩаԥысит Аԥсны Аҳәынҭқарра Адәныҟатәи аусқәа рминистрра еиҿкааужьҭеи 21-шықәса аҵра инадҳәаланы , адипломат ҿарацәа рнаука-ҭҵааратә конференциа.

Адипломат ҿарацәа Рхеилак имҩаԥнагаз аконференциа иалахәын Адәныҟатәи аусқәа рминистр Виачеслав Чрыгба, ихаҭыԥуаҩ Ираклии Хынҭәба, «Евразиатәи аҭҵаарақәа ринститут» аҿиара афонд аԥснытәи аҟәша адиректор Сократ Џьынџьал, Урыстәылатәи Афедерациа Ацҳаражәҳәаҩ Семион Григорьев, Адәныҟатәи аусқәа рминистрра Аинформациа аҟәша аиҳабы Ҭенгиз Ҭарба.

Виачеслав Чрыгба идныҳәаларатә жәахә аҟны иазгәеиҭеит: «1993 шықәса, лаҵарамза 17 аԥсуа дәныҟаполитикатә усбарҭа аԥҵара арыцхә ҟалеит ҳусура иахыҵхырҭаны. Ҳадәныҟаполитикатәи ҳаҩныҵҟаполитикатәи усурақәа еидҳәалоуп, избанзар ҳаҩныҵҟа ҳполитикатәи, ҳсоциалтәи, ҳекономикатәи шьақәгылазаашьа шалҳаршаз агәра дырганы ауп инарҭбаау адунеижәларбжьаратә зхаҵара аиурагьы алыршара шҳалшо».

Аԥсны адәныҟаполитикатә усбарҭа анапхгаҩы дрылацәажәеит дызхагылоу аусбарҭа аусура ахырхарҭа хадақәа, иазгәеиҭеит Аԥсны адунеи атәылақәа иазхарҵарц азы имҩаԥырго аусурақәа. Иҳәеит ари аусура еснагь ишумбо, аха иара зызку ахықәкы анагӡаразы ирылшо зегьы шыҟарҵо. Абри аус аҟны еснагь иҳацхраауеит ҳастратегиатә портниор – Урыстәылатәи Афедерациа, - иҳәеит иара иажәахә хыркәшо. Аконференциа алахәылацәа рахь ихы нарханы аминистр, инаҵшьны иазгәеиҭеит «иахьатәи аконференциа раԥхьатәиуп, уи ауасхыр шьҭанаҵеит ҳаамҭазтәи агеополитикатә контекст инақәыршәаны Аԥсны имҩаԥнаго адәныҟатә политика аларҵәаразы. Ҳара ҳаигәырӷьоит аԥсуа дипломатиа аҿар рацәаны иахьаҵагылаз. Агәра аагоит шәара ԥхьаҟа ҳтәыла ахьыԥшымразы ишәылшо зегь шыҟашәҵо».

АГУ аректор Алеко Гәарамиа дазааҭгылеит адунеижәларбжьаратә еизыҟазаашьа акафедра аартра атәы. Иҳәеит ԥхьаҟагьы ари аус аиҵыхра шаиоуа.

Урыстәылатәи Афедерациа Ацҳаражәҳәаҩ Семион Григориев иакәзар иазгәеиҭеит адипломатцәа ҿарацәа рааӡара аҵакы «аветеранцәа рԥышәа аҿар рзы акраҵанакуаны иҟоу, ажәытә узымдыруа аҿатә аргылара уадаҩуп» - иҳәеит иара. Адәныҟатәи аусқәа рминистрра аусзуҩцәеи астудентцәеи ажәахәқәа ҟарҵеит еиуеиԥшым атемақәа рыла.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21