aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Адәныҟатәи аусқәа рминистр идныҳәалеит 19.05.2014

Адәныҟатәи аусқәа рминистр идныҳәалеит

Аԥсны Аҳәынҭқарра Адәныҟатәи аусқәа рминистррахь иааит Аԥсны Аҳәынҭқарра Адипломат имш инадҳәаланы еиуеиԥшым атәылақәа рҟынтәи адныҳәаларақәа.

Ашьха Ҟарабахтәи Ареспублика Адәныҟатәи аусқәа рминистр Карен Мирзоиан иазгәеиҭеит: «Ҩеижәа шықәса инареиҳаны ареспублика адәныҟаполитикатә усбарҭа аусзуҩцәа иҳараку апрофессионалтә ҟазара аарԥшуа атәыла адәныҟаполитикатә ҭагылазаашьа арӷәӷәара иаҿуп, русурала иацхраауеит Аԥсны Аҳәынҭқарра адунеитә еилазаараҟны азинмчра змоу ҳәынҭқарраны аҟазаара. Агәра згоит Арцахи Аԥсни рыжәларқәа русеицуреи реилибакаареи ԥхьаҟатәи ҳаизыҟазаашьақәагьы шьаҭа бзианы ироуп ҳәа».

Приднестровиа Адәныҟатәи аусқәа рминистрра ахьӡала Нина Штански иаалышьҭыз адныҳәалараҟны илҳәоит: « Приднестровие иқәынхо ажәлар ахә ҳаракны иршьоит ҳреспубликақәа реиашьаратә еизыҟазаашьа, ҳагәреибагара. Азин сышәҭ аԥышәа ду змоу ҳусеицура ԥхьаҟагьы Аԥсни Приднестровие рышәҭыкакаҷра ишахәо».

Адныҳәаларақәа ааит иара убасгьы Аԥсны аккредитациа зманы иҟоу Ацҳаражәҳәаҩцәа рҟынтәгьы. Аԥсны иҟоу Урыстәылатәи Афедерациа Ацҳаражәҳәаҩ С. Григориев иааишьҭыз ашәҟәаҟны иаҳәоит: «Иахьатәи аамҭазы аԥсуа дипломатиа активла ахалархәрала аҿиара иаҿуп ҳтәылақәа рыбжьара адипломатиатә диалог, рыҽдырҭбаауеит урыстәыла-аԥснытәи аизыҟазаашьақәа реиқәшаҳаҭра-зинтә базақәа, рыҽдырӷәӷәоит асоциал- економикатәи, акультуратәи, агуманитартәи еимадарақәа. Сшәыҳәоит аԥсуа дипломатиа аветеранцәагьы шсызрыдныҳәаларц, иара убасгьы аҳәаанхыҵ иҟоу аԥсуа дипломатиатә хаҭарнакрақәа русзуҩцәа ақәҿиара дуқәа рзеиӷьасшьоит».

Аԥсны иҟоу Аахыҵ Уаԥстәыла Ацҳаражәҳәаҩ Олег Боциев иазгәеиҭеит: «Аԥсуа дипломатцәа алагала ду ҟарҵеит атәыла ахьыԥшымра азхаҵарази адунеи зегь аҟны аҳаҭыр аҳаракрази. Иахьазы, шәареи, аусбарҭеи адәныҟаполитикатә курс аларҵәараҿ аихьӡарақәа шәыманы активла шәхы алашәырхәуеит атәыла адәныҟаполитикатә стратегиа аус адулара, ишәыӡбоит имариам азҵаарақәа атәыла ауааԥсыра рзинқәеи ринтересқәеи рыхьчаразы» ҳәа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21