aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҧсны Адәныҟатәи аусқәа рминистр Виачеслав Чрыгба дидикылеит Қырҭтәыла иҟоу Чехиатәи Ареспублика Ацҳаражәҳәаҩ Иван Естраб 18.06.2012

Аҧсны Адәныҟатәи аусқәа рминистр Виачеслав Чрыгба дидикылеит Қырҭтәыла иҟоу Чехиатәи Ареспублика Ацҳаражәҳәаҩ Иван Естраб

Аиҧылараҿы ирылацәажәан Аҧсны иахьазы ишьақәгыланы иҟоу аҭагылазаашьеи, Европеи Аҧсныи ҧхьаҟатәи реизыҟазаашьақәа рыҿиара иазку азҵаарақәеи.

Аминистр В. Чрыгба атәылаҿы ишьақәгыланы иҟоу аполитикатә ҭагылазаашьа дазааҭгылеит, иеиҭеиҳәеит Женеватәи аиҿцәажәарақәа рымҩаҧысшьа атәы, иара убас Европа атәылақәеи ҳареи иҳабжьаз аимадарақәа реиҭашьақәыргыларазы агәыӷра ааирҧшит. «Ҳара хықәкыс иҳамоуп арегион аҿы азеиҧш шәарҭадаратә система ҳахәҭакхарц», – иҳәеит Чрыгба.

Аҧсны Адәныҟатәи аусқәа рминистр Чехиа Ацҳаражәҳәаҩ изеиҭеиҳәеит Аҧсны астудентцәеи абизнесуааи Европатәи атәылақәа рҿы аҵара роурц, рбизнес дырҿиарц шырҭаху атәы, аха уи азы европатәи авизақәа рызҵаарақәа ӡбатәны ишыҟоу. Аминистр иашам ҳәа иҧхьаӡоит аҧсуаа ирыдыргалаз Қырҭтәылатәи «анеитралтә тәылауаҩшәҟәқәа» Чехиа иахьазхарҵаз. Чрыгба игәаанагарала, ари Аҧсны аиҳабыреи ауааҧсыреи ргәаанагара зынӡа иазымҵаакәа ирыӡбаз акоуп. «Аҧсны – ихьыҧшыму ҳәынҭқарроуп, убри аҟнытә қырҭтәылатәи атәылауашәҟәқәа рыдкылашьа ҳамаӡам», – иҳәеит Виачеслав Чрыгба.

Чехиа ацҳаражәҳәаҩ Иван Естраб иажәақәа рыла, уи Аҧсны иаҭаара аибадырратә ҟазшьа амоуп, аратәи аҭагылазаашьа зеиҧшроу ибарц хықәкыс изықәгылоуп. Иван Естраб иазгәеиҭеит Аҧсныи Европеи реизыҟазаашьақәа шымариам, зыӡбара уадаҩу азҵаарақәа шыҟоу, аха Чехиа, Евро-Еидгыла алахәылак аҳасабала, аизааибагара аус аҿы алагала аҟаҵара иазыхиоуп.

Аиҧылара ахыркәшамҭаз аганқәа агәыӷра аадырҧшит Аҧсныи Европеи реизыҟазаашьақәа ҧхьаҟа рыҿиаразы ашьаҿақәа шыҟаҵахо ала.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21