aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Иракли Хынҭәба агазеҭ «Известиа» иеиҭаз аинтервиу 01.08.2014

Иракли Хынҭәба агазеҭ «Известиа» иеиҭаз аинтервиу

Аҟәа имҩаԥысуеит Аԥсни Урыстәылеи инарҵаулоу русеицура ахымԥадаразы аимак-аиҿак. Август 24 рзы иазгәаҭоу атәыла ахада иалхрақәеи аминистрцәа реилазаара ҿыц аиҿкаареи рышьҭахь аҳәынҭқаррабжьаратә еиқәшаҳаҭра ҿыц алацәажәара ихадоу зҵаараны иҟалар алшоит. асеиԥш иҟоу адокумент зхымԥадатәиу атәы агазеҭ «Известиа» аинтервиу анеиҭоз, иҳәеит Адәныҟатәи аусқәа рминистр ихаҭыԥуаҩ Ираклии Хынҭәба.

-Аҳәынҭқаррабжьаратә еиқәшаҳаҭра ҿыц цәырҵыр анбалшо?

-Аԥсны ахадарахь акандидатцәа зегьы еицҿакны иазгәарҭоит аурыс-аԥсуа еизыҟазаашьақәа рырҭбаара аҭахны ишыҟоу. Аиқәшаҳаҭра алацәажәара хацдыркыр алшоит аиҳабыра ҿыц анеиҿыркаалак ашьҭахь, сгәы иаанагоит ҭагалан акәхар ҳәа.

-Избан уажәы изышьҭыху асеиԥш иҟоу аиқәшаҳаҭра азҵаара?

-Ҳаамҭазтәи аҭагылазаашьақәа Москвеи Аҟәеи рыбжьара аинырреи агәреибагареи аҭахны иҟарҵоит. Украинатәи акризис иаҳнарбеит адунеиеиҿкаара асистема аҽшаԥсахыр шалшо. Аԥсны акәзар, Урыстәылеи Мраҭашәареи Кавказ ирымоу анырраҟны аҵак ду аманы иҟоуп. Изеиԥшрахарызеи аиқәшаҳаҭра аԥҟара хадақәа?

-Хымԥада, Аԥсны ахьыԥшымра иадгылоит, уи алагьы Аԥсни Урыстәылеи рыбжьара аизыҟазаашьақәа рформат апринципқәеи амеханизмқәеи шьақәнарӷәӷәоит. Ихадоу пунктны ишьоуп ашәарҭадареи атәылахьчареи русхк аҟны аинырра арӷәӷәара, Аԥсны аԥсҭазаара аиӷьтәра, Аԥсны Урыстәылеи, Беларуссиеи, Ҟазахсҭани иаку рҳазалхратә еидгыла адҵара, иара убасгьы ԥхьаҟазы аинтеграциатә процессқәа инарҭбааны Аԥсны ралархәра.

-Москвеи Аҟәеи рыбжьара аиқәышаҳаҭрақәа ыҟоуп. Урҭ шԥазыԥхьаӡатәу?

– Астратегиатә партниорра аӡбахә анаҳҳәо иазгәаҭатәуп иара ахәҭақәа еиуеиԥшым аиқәшаҳаҭрақәа рҟны ишазгәаҭоу. Аиқәшаҳаҭрақәа 84 рҟынӡа инаӡоит. Дара зегьы документк аҟны еизганы, еиуеиԥшым аспектқәа рӷәӷәазар еиҳа еиӷьны иҟоуп.

-Ашәарҭадареи атәылахьчареи русхк аҟны аусеицура ҳәа анаҳҳәо, уи иаанагозеи?

-Урыстәылеи Аԥсни иаку атәылатә еиужьраҟны аус еицыруртә еиԥш аҭагылазаашьа аҟазаароуп ҳазлацәажәо. Арахь иаҵанакуеит азинхьчаратә, аҳазалхратә усхкқәа рҟынгьы аусеицура. Атәыла аекономикатә ҿиара амодернизациа азура акәзар, аҵак ду аманы иҟоуп аиҭеиҿкаараан Аԥсны ацхыраара аҭара алзыршо акритериқәа аформат ҿыц иазыԥхьагәанаҭо аҟалара.

-Аусеицура аидеиа ықәзыргылода, Москва акәу Аҟәа акәу?

-Аиқәшаҳаҭра аус еицадааулалароуп, Аԥсуа ган ҽышәала ахы аланархәыроуп ари аусура.

-Аҩныҵҟатәи амодернизациа аӡбахә шәҳәеит. Заҟа ҟәрышь аҭахны иҟоузеи иара?

-Аԥсны Урыстәыла ианазханаҵа инаркны иаҳзоурыжьхьеит 13 миллиард мааҭ, асоциал-економикатә рҿиаразы. Ииасыз ашықәсқәа рзы абри аганахьала иҟаҵаз акыр ирацәоуп. Аха, иахьазы аҽа ҩаӡарак ахь ҳцәырҵроуп – атәыла амодернизациа аҭахны иҟоуп активла иҿиаларцаз, аинвестициақәа рганахьала аҭаххара аиурцаз. Ирҽеитәуп азакәанԥҵара, аинституционалтә ҭагылазаашьа. Арҭ зегьы рзы афинанстә еиԥш аексперттә цхыраарагьы ҳҭахны ҳаҟоуп. Иныҭкааны, пункт-пунктла алацәажәара алыршахоит алхрақәа рышьҭахь.

-Аԥсны аладатәи аҳәааҟны аҭагылазаашьа аибарххара аманы иабанӡаҟоу?

-Қырҭтәыла евроатлантикахь ахырхара иацу ашәарҭарақәа ахәшьара раҳҭоит. Қарҭ, ЕС алахәылас аҟазааразы анапы зҵанаҩыз аиқәшаҳаҭра иунарбоит НАТО алаларазы аҽазышәарақәа иҟанаҵо. Украина имҩаԥысуа ахҭысқәа иудырбоит Мраҭашәара Урыстәыла ацасаз рхымҩаԥгашьа еиҭаркыр шалшо. Аԥсны астратегиатә ҭагылазаашьа иуднаҵоит Урыстәылеи иареи арҭ ашәарақәа азыԥхьагәаҭахарц азы ашәарҭадара аусхк аҟны реинырра шырӷәӷәалатәу азхьаԥшра.

-Мраҭашәаратәи аинститутқәа иҟарҵо анырра акәу арратә еиҿагылара акәу зыӡбахә шәымоу?

-Иҟаҵан аҳәамҭа – НАТО арратә базақәа алианс иалахәылацәам атәылақәа рҟынгьы рыргылара шазыԥхьагәанаҭо.

-Аиқәшаҳаҭра ҿыц аҟны аекономикатә усеицура арҭбаарагьы азгәаҭоуп. Уи шәылԥалацәажәо?

-Ҳара хықәкны иҳамоуп Аԥсны иҭышәынтәалан иҿио ҳәынҭқарраны аҟаҵара. Аинтерес ҳамоуп Евразиатәи аекономикатә еидгыла инарҭбаан ахалархәразы. Аха макьаназы уа аӡәгьы даҳзыԥшым. Аԥсны аҩаӡара ҳарак иазықәԥалароуп, асеиԥш иҟоу аидгылақәа ирылахәхарц азы.

-Егьырҭ аганқәа, иаҳҳәап, Мраҭашәара, Аԥсны аусеицура адыргалоума?

-Ари азҵаараҟны Урыстәыла иандаҭлоу аҽа тәылак ыҟам, иагьзыҟалом. Еиуеиԥшым иеиҳабыратәым аиҿкаарақәа рҟынтәи ацхыраара шҳауагьы Урыстәыла иаҳзыҟанаҵо ацхыраара иадкылан уахәаԥшуазар амшын иалаҭәо аӡкәарма еиԥшуп. Убри адагьы мраҭашәаратәи атәылақәа иҳадыргало ацхыраара Қырҭтәыла аилазаарахь ахынҳәра иадҳәалоуп. Уи азҵаара ҳара алацәажәарагьы ҳәгәы иҭам.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21