aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҧсны Адәныҟатәи аусқәа рминистрра аделегациа Приднестровие-Молдавиатәи Ареспубликахь иҟарҵаз аусуратә визит хдыркәшеит 21.06.2012

Аҧсны Адәныҟатәи аусқәа рминистрра аделегациа Приднестровие-Молдавиатәи Ареспубликахь иҟарҵаз аусуратә визит хдыркәшеит

Приднестровие-Молдавиатәи Ареспублика Адәныҟатәи аусқәа рминистрра иҟанаҵаз ааҧхьарала рашәарамза 11 ианркны 19-нӡа Аҧсны Адәныҟатәи аусқәа рминистрра аделегациа усуратә визитла Приднестровие-Молдавиатәи Ареспублика иаҭааит, аминистррабжьаратәи аконсультациақәа рымҩаҧгареи Адипломатцәа ҿарацәа реизара аилатәара аҽалархәреи рзы.

Аделегациа иалахәын: Аҧсны Адәныҟатәи аусқәа рминистрра Урыстәылеи, СНГ атәылақәеи, Аахыҵ Уаҧстәылеи, Ашьха-Карабахтәи Ареспубликеи, Қырҭтәылеи рыҟәша аиҳабы Иракли Ҭыжәба, Аҧсны Адәныҟатәи аусқәа рминистрра Аконсултә маҵзура аиҳабы ихаҭыҧуаҩ Лаша Аҩӡба.

Аҧсуа делегациа Приднестровие раҭаара аҳәаақәа ирҭагӡаны Приднестровие Адәныҟатәи аусқәа рминистрраҿы имҩаҧыргеит акымкәа-ҩбамкәа аиҧыларақәа, иагьрылацәажәеит аҩ-ҳәынҭқаррак русеицура азҵаарақәа.

Убас, имҩаҧысит Приднестровие Адәныҟатәи Аусқәа рминситр ихаҭыҧуаҩ Витали Игнатиеви аҧсуа делегациеи реиҧылара, уаҟа аконфликтқәа рҭышәныртәаларазы аиҿцәажәаратә процесс азҵаара иазкны аганқәа ргәаанагарақәа еибырҳәеит, иара убасгьы аҩ-ҳәынҭқаррак политикала, економикала, культурала реимадара арҭбаара азҵаарагьы. Аганқәа ирзааҭгылеит Рыдәныҟатәи аусқәа рминистррақәа рыбжьара аимадара еиуеиҧшым ахырхарҭақәа.

Аҧсны Адәныҟатәи аусқәа рминистрра аусзуҩцәа анаҧшыҩцәа раҳасабала рхы аладырхәит Приднестровие-Молдавиатәи Ареспублика Адәныҟатәи аусқәа рминистрра аҟны еиҿкаау Адипломатцәа ҿарацәа реизара аилатәара. Адипломатцәа ҿарацәа реизара – ари иҿыцны иаарту структуроуп, уи еиднакылоит Аминистрра аусзуҩцәа ҿарацәа иара убс астудентцәагьы, хықәкыс иамоуп адипломатцәа ҿарацәа рыпрофессионалтә зыҟаҵара аизырҳара. Приднестровие-Молдавиатәи Ареспублика Адәныҟатәи аусқәа рминистрра иахьынӡалшо Аизара алахәылаҩцәа ацхыраара рынаҭоит урҭ рыквалификациа аизырҳара иазку аинивидуалтә планқәа рынагӡараҿы, аҳәаанырцәҟа ацарагьы уахь иналаҵаны.

Изаамҭанытәиу Адипломатцәа ҿарацәа реизара аилатәара рхы аладырхәит Приднестровие Адәныҟатәи аусқәа рминистр Нина Штански, уи лхаҭыҧуаҩ Витали Игнатиев, Аҧсны Адәныҟатәи аусқәа рминистрра Урыстәылеи, СНГ атәылақәеи, Аахыҵ Уаҧстәылеи, Ашьха-Карабахтәи Ареспубликеи, Қырҭтәылеи рыҟәша аиҳабы Иракли Ҭыжәба, Аҧсны Адәныҟатәи аусқәа рминистрра Аконсултә маҵзура аиҳабы ихаҭыҧуаҩ Лаша Аҩӡба, иара убас аминистрра аусзуҩцәа ҿарацәа, астудентцәа.

Аилатәара аартуа, Аминистр бзиала шәаабеит ҳәа ралҳәеит аилатәара асасцәеи уи алахәылаҩцәеи, иагьазгәалҭеит ари еиҧш аусбарҭа аартра аҿарацәа рзанааҭдырра аизырҳараҿы аҵак ду шамоу. Аизара аилатәара алыҵшәақәа рыла, Приднестровие Адәныҟатәи аусқәа рминистрра аиҳабыра аҵыхәтәантәи рҧылара аҳәаақәа ирҭагӡаны, аганқәа рнапы аҵарҩит Аҧсны Адәныҟатәи аусқәа рминистреи Приднестровие-Молдавиатәи Ареспублика Адәныҟатәи аусқәа рминистрреи рыбжьара 2012-13 шш. рзы Аконсультациақәа рыплан.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21