aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәнҟҟатәи аусқәа рминистрраны аиԥылара 18.09.2014

Аԥсны Аҳәынҭқарра Адәнҟҟатәи аусқәа рминистрраны аиԥылара

Аԥсны Аҳәынҭарра Адәныҟатәи аусқәа рминистрраҟны имҩаԥысит Адәныҟатәи аусқәа рминистр инапынҵақәа назыгӡо Виачеслав Чрыгбеи Аахыҵ Кавказ аҟны ашәарҭадареи аҭышәынтәалареи рзы Женеватәи адискуссиақәа ООН-и, ЕС-и ОБСЕ-и рҟынтәи ацхантәаҩцәас иҟоу Анти Турунени, Ҳерберт Сальберои, Анџьело Гнедингери реиԥылара.

Аиԥылара аартуа В. Чрыгба иҳәеит: «Ҳара ибзианы еилаҳкаауеит ҳҿаԥхьа амшхәаԥштә азҵаареи аи:ԥылара аформати рганахьала азҵаара уадаҩ шықәгыло». Иара иазгәеиҭеит арҭ азҵаарақәа ыҟоижьҭеи акыр шааҵуа, избанзар аиԥыларақәа рлахәылацәа дасу рхатә гәаанагарақәа рымоуп урҭ рымҩаԥысшьазы. Аминистр инапынҵақәа назыгӡо игәаанагарала ари аганахьала аиҿцәажәарақәа интенсивла имҩаԥгалатәуп, ганкахьала ирылшо зегь ҟарҵароуп аиҿцәажәарақәа еиԥымҟьарц, аэаганкахьала – зегь еицырзыманшәало амшхәаԥштә азҵаара шьақәыргылатәуп.

В. Чрыгба инаҵшьны иазгәеиҭеит ацхантәаҩцәа Аԥсныҟа раареи аиҿцәажәаратә процесс ԥхьаҟагьы амҩаԥгареи аҵак ду рыманы ишыҟоу. «Аԥсуа ган аиҿцәажәарақәа реиԥҟьара иаҿагылоит. Иара убри аамҭазы иҟоуп зхыԥара залымшо апринципиалтә ҭагылазаашьақәа»- иҳәеит иара.

В. Чрыгба игәаанагарала иахәҭаны иҟоуп апринципиалреи акомпромиссқәа рыԥшаареи рыбжьара абаланс аҟазаара. Иара иҳәеит аԥсуа ган амшхәаԥштә азҵаара иалагалазарц шазырыԥхьаӡо Аԥсны ауааԥсыра рдунеижәларбжьаратә еинырра иамоу аԥырхагақәа раԥыхреи, хабарда ибжьаӡыз рыԥшаареи, акультуратә ҭынхақәа рыԥшаареи рызҵаарақәа.

ЕС аҟынтәи ацхантәаҩ Ҳербер Сальбер, аиҿцәажәарақәа рымҩаԥгара аҵак азы аганқәа рыбжьара аилибакаара ыҟазароуп ҳәа аминистр ииҳәаз дақәшаҳаҭхеит.

Аиҿцәажәарақәа рыхәҭак ажурналистцәа алахәымызт. Дара анхыркәшаха ашьҭахь ЕС аҟынтәи ацхантәаҩ ажурналистцәа дрыҿцәажәо иҳәеит: «Амшхәаԥштә азҵаареи аформати рганахьала ауадаҩрақәа ҳԥылоит. Зыӡбахә ҳамоу аполитикатә зҵаарақәа роуп. Ацхантәаҩцәа иҳалшо зегь ҟаҳҵоит октиабр азы имҩаԥысраны иҟоу аиҿцәажәарақәа раунд аан апроблема инарҭбаан алацәажәаразы иҟоу аԥынгылақәа раԥыхразы». Иара иажәақәа рыла аԥсуа ган аинтерес зҵоу ажәалагалақәа рыднагалеит.

В. Чрыгба иазгәеиҭеит аиҿцәажәара уадаҩқәа шырзыԥшу. «28-тәи араунд анымҩаԥысуазгьы ауадаҩрақәа ыҟан. Ҳара иаҳҭахуп уажәы урҭ ҳэырцәыҳахьчарц, убри азы аԥҟарақәа заа ирылацәажәатәуп ҳәа иазаҳаԥхьаӡоит»- азгәеиҭеит аминистр. Иара убасгьы В. Чрыгба иазиԥхьаӡоит уажә иреиҳау проблеманы иҟоу амшхәаԥштә азҵаареи аформати рҟны гәаанагарак аицазнеира шакәу.

Иара убасгьы иҳәеи аԥсуа ган шьаҭанкыла ахҵәацәа рызҵаара алацәажәара агәы ишҭам, уи ақырҭуа ган аҽшазнашәогьы. «Иҟоу шыҟоугьы ҳарҭ зегьы афорум амҩаԥысра хра аманы иҳаԥхьаӡоит. Аҽа ҭыԥк, ашәарҭадареи агәманитартәи зҵаарақәеи ҳахьрылацәажәаша ыҟан иҟам», азгәеиҭеит В. Чрыгба.

Аминистр инапынҵақәа назыгӡо иазгәеиҭеит аԥсуа ган хықәкыс иамоу аизыҟазаашьақәа рҭышәныртәалара шакәу.

Ақырҭуа ган амчра ахамырхәаразы Аиқәшаҳаҭра анапаҵаҩра мап шацәнакуагьы ари азҵаара ԥхьаҟагьы алацәажәара аҭахны иҟоуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21