aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Адәныҟатәи аусқәа рминистрраҟны аиԥылара 24.09.2014

Аԥсны Аҳәынҭқарра Адәныҟатәи аусқәа рминистрраҟны аиԥылара

Сентиабр 24 рзы Аԥсны Аҳәынҭқарра Адәныҟатәи аусқәа рминистрраҟны имҩаԥысит Адәныҟатәи аусқәа рминистр инапынҵақәа назыгӡо Виачеслав Чрыгбеи Урыстәылатәи Афедерациаҟны иҟоу Ареспублика Никарагуа азинмчра змоу ацҳаражәҳәаҩ Хуан Ернестр Васкес Араиеи Иааҳакәыршаны иҟоу аԥсабареи аԥсабаратә ресурсқәеи рзы аминистр Хуанита Сандовал Аргениали реиԥылара.

Аиԥылара иалахәын аминистр ихаҭыԥуаҩ Ираклии Хынҭәба, Латынтәи Америкеи, Азиеи, Африкеи АТР-и рыҟәша аиҳабы Мадина Зыхәбеи.

Ирылацәажәан еиуеиԥшым азҵаарақәа.

Асасцәа аԥсшәа раҳәо В. Чрыгба иазгәеиҭеит Аԥсни Никарагуеи рыжәларқәа реизааигәара, иахьатәи аамҭазы урҭ реиҩызара аизырҳаразы арезервқәа рацәаны ишыҟоу, Манагу ақалақь аҟны Аԥсны ахаҭарнакра аартра ишалнаршоз асеиԥш иҟоу азҵаарақәа акыр рыӡбара. Иааҳакәыршаны иҟоу аԥсабареи аԥсабаратә ресурсқәеи рзы аминистр Хуанита Сандовал Аргениали иҳәеит Аԥсны Аҳәынҭқарра Ахада иҭоубашьҭаҵара ацеремониахь иахьаарыԥхьаз гәахәара дула ишрыдыркылаз, итәылеи ижәлари рыхьӡалагьы ҭабуп ҳәа реиҳәеит аԥсуа ган.

Аиԥылара хыркәшо В. Чрыгба дазааҭгылеит Аԥсны Аҳәынҭқарра ахьыԥшымра азхаҵарала Ареспублика Никарагуа ҳтәыла агәазыҟаҵара ду шанаҭаз. Ҳара агәра аагоит егьырҭ атәылақәеи ҳареигьы ҳаизыҟазаашьақәа ҭышәынтәалап ҳәа агәыӷра ҟеиҵеит аминистр.

Никарагуатәи аделегациа сентиабр 25 рзы имҩаԥысуа атәыла Ахада иҭоубашьҭаҵара рхы аладырхәуеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21