aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

28.06.2012

Урыстәылатәи Афедерациеи Аҧсны рҟны иҟоу Ареспублика Никарагуа Ацҳаражәҳәаҩ Луис Альберто Молина Куадра Аҧсны Адәныҟатәи аусқәа рминистр Виачеслав Чрыгба агәраргагатә шәҟәқәа рыхҩылаақәа ииҭеит

Ацеремониа анхыркәшаха ашьҭахь, аминистр никарагуатәи ацҳаражәҳәаҩ диацәажәеит. Аицәажәараҿы ирзааҭгылан ахәаахәҭреи, аекономикеи, акультуреи, аҵарадырреи русхкқәа рҟны еицырзыфеидоу аусеицура азҵаарақәа жәпакы.

Латинатәи Америкаҟны раҧхьаӡа ҳхьыҧшымра азхазҵаз Никарагуа шакәу араҟа ахә ҳаракны ишыршьо азгәаҭауа, Виачеслав Чрыгба Ацҳаражәҳәаҩ Аҧсны дахьаҭааз иҭабуп ҳәа иаиҳәеит.

Луис Альберто Молина Куадра аминистр иҭабуп ҳәа иаиҳәеит Аҧсныҟа ааразы алшара ахьирҭаз. Ацҳаражәҳәаҩ иажәақәа рыла, Аҧсныи Никарагуеи ирзеиҧшу рацәоуп: «Никарагуа ауааҧсыра ибзианы ирдыруеит ахьыҧшымразы ақәҧара закәу. Даниель Ортега Аҧсны ахьыҧшымра азхаҵаразы аӡбамҭа анидикылоз, абри афактгьы иабзоуроу ыҟоуп. Уажәшьҭа ҳтәылақәа адипломатиатә еизыҟазаашьақәа рыбжьоуп», – иҳәеит Молина Куадра.

Аҧсны Адәныҟатәи аусқәа рминистр дазааҭгылеит Никарагуеи Аҧсныи рыбжьара акоммерциатә усеиуцура алыршара азҵаарагьы. Иара игәаанагарала, иахьа ари еиҧш аусеицура ыҟазар ахәҭоуп, уажәнатә ишьақәырыглазар ауеит Никарагуантәи Аҧсныҟа импортла иааугар ауа атаурқәа рсиа.

Ацҳаражәҳәаҩ Молина Куадра иазгәеиҭеит Аҧсны иҟоу раҧхьатәи Никарагуа ацҳаражәҳәаҩ имаҵура даара ҳаҭыр шақәу, аҭакҧхықәра дугьы шацу. Уи аминистр агәра ииргеит аҩ-ҳәынҭқаррак русеицура арҭбааразы, насгьы Аҧсны егьырҭ атәылақәа иазхарҵарц азы илшо зегь шыҟаиҵо. Ацҳаражәҳәаҩ иажәақәа рыла, Аҧсны ҧхьаҟагьы Ареспублика Никарагуа аганахьала адгылара шамазаауа иаанхоит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21