aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

02.07.2012

Рашәарамза 30-ҧхынгәымза 1 Зеленоград ақалақь Аиқәҧарақәа рхан аҟны имҩаҧысит Карате азы адунеизегьтәи аицлабра раҧхьатәи москватәи аетап

Рашәарамза 30-ҧхынгәымза 1 Зеленоград ақалақь Аиқәҧарақәа рхан аҟны имҩаҧысит Карате азы адунеизегьтәи аицлабра раҧхьатәи москватәи аетап. Раҧхьаӡа акәны карате азы жәларбжьаратәи аилазаарақәа ҩба сиотокани каратеноми еилахәны имҩаҧыргон ари аицлабра. Уи иалахәын еиуеиҧшым атәылақәа рҟнытә акомандақәа, Аҧснынтәи акомандагьы уахь иналаҵаны, иара убас Азербаиџьан, Белоруссиа, Куба, Мексика, Урыстәыла, Украина, Франциа, Алада-Африкантәи Ареспублика рҟнытә акомандақәа.

Аҧсуа команда ари аицлабра ралахәхаразы иаадырҧшыз аинициатива иадгылеит Аҧсны Адәныҟатәи аусқәа рминистрраҿы, иара убасгьы Урыстәыла иҟоу Аҧсны Ацҳаражәҳәарҭаҿы. Аҧсны акарате Афедерациа аиҳабы Ахра Абыхәба дызхагылаз ҳара ҳкоманда Домодедово аеропорт аҟны ирҧылеит Урыстәыла иҟоу Аҧсны ацҳаражәҳәарҭа аусзуҩцәа, Москва иҟоу аҧсуа диаспора ахаҭарнакцәа, иагьынаскьаргеит асасааирҭа аҟынӡа.

Ԥхынгәымза 1 акаратистцәа рфиналтә еицлабрақәа раан атрибунаҿы аҧсуа каратистцәа рықәгылара дахәаҧшуан Урыстәыла иҟоу Аҧсны Ацҳаражәҳәаҩ Игор Ахба. Ацҳаражәҳәарҭа еиҿнакааит аспорттә еицлабрақәа телехәаҧшрала рҭыхра. Аҧсуа спортсменцәа даара ибзианы иқәгылеит, хаҭалагьы командалагьы, иагьыргеит ахьтәы, араӡнытә, аџьазтә медалқәа. Акомандатә еицлабраҿы ҳара ҳкоманда иааннакылеит аҩбатәи аҧхьахәтә аҭыҧ.

Аицлабрақәа анхыркәшаха ашьҭахь, Ацҳаражәҳәаҩ гәыкала ҳкаратистцәа ирыдиныҳәалеит ас еиҧш зыҩаӡара ҳараку жәларбжьаратәи атурнир аҿы иргаз аиааирақәа, ҧхьаҟагьы ақәҿиара дуқәа рзеиӷьеишьеит. И. Ахба иазгәеиҭеит, ас еиҧш иҟоу жәларбжьаратәи атурнирқәа рҿы аҧсуа спортсменцәа ралахәхара аҵак ду шамоу. Агәра ганы дшыҟоу ааирҧшит, ажәларқәа реиҩызара зырӷәӷәо абри еиҧш аусмҩаҧгатәқәа ҧхьаҟагьы Урыстәыла иҟоу Аҧсны Аҳәынҭқарра Ацҳаражәҳәарҭа аганахьала адгылара шрырҭо.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21